________________
वि० प० स० १ उ०२ ]
सुत्तागमे
३९३
जे ते सम्मदिट्टी ते तिविहा प०, तंजहा- संजया अस्संजया संजयासंजया य, तत्थ णं जे ते संजया ते दुविहा प०, तंजहा - सरागसंजया य वीयरागसंजया य, तत्थ णं जे ते वीयरागसंजया ते णं अकिरिया, तत्थ णं जे ते सरागसंजया ते दुविहा प०, तंजहा - पमत्तसंजया य अपमत्तसंजया य, तत्य णं जे ते अप्पमत्तसंजया तेसि ं एगा मायावत्तिया किरिया कज्जइ, तत्य णं जे ते पमत्तसंजया तेसिणं दो किरियाओ कांति, तं० - आरंभिया य मायावत्तिया य, तत्यणं जे ते संजयासंजया तेति णं आइकाओ तिनि किरियाओ कज्जति, तंजहा- आरंभिया १ परिग्गहिया २ मायावत्तियां ३, अस्संजयाणं चत्तारि किरियाओ कजंति - आरं० १ परि० २ मायावत्तिया ३ अप्पच० ४, मिच्छादिट्ठीगं पंच- आरंभि० १ परि० २ माया० ३ अप्पच्च० ४ मिच्छादंसण०५, सम्मामिच्छदिट्ठीगं पंच ५। वाणमंतरजोतिसवेमाणिया जहा असुरकुमारा, नवरं वेयणाए नाणत्तं मायिमिच्छादिट्टीउववन्नगा य अप्पवेदणतरा अमायिसम्मदिट्टीजववन्नगा य महावेयणतरागा भाणियव्वा, जोतिसवेमाणिया ॥ सलेस्सा णं भंते! नेरइया सव्वे समाहारगा ?, ओहिया णं सलेस्साणं सुक्कलेस्साणं, एएस तिह एको गमो, कण्हलेस्साणं नीललेस्साणंपि एक्को गमो नवरं वेदणाए मायिमिच्छादिट्ठीरववन्नगा य अमायिसम्म दिट्टीउवव० भाणियव्वा । मणुस्सा किरियामु सरागवीयराग पमत्तापमत्ता ण भाणियव्वा । काउलेसाएवि एसेव गमो, नवरं नेरइए जहा ओहिए दंड तहा भाणियव्वा, तेउलेस्सा पम्हलेस्सा जस्स अस्थि जहा ओहिओ दंडओ तहा भाणियव्वा नवरं मणुस्सा सरागा वीयरागा यं न भाणियव्वा, गाहादुक्खाउए उदिने आहारे कम्मवन्नलेस्सा य । समवेयणसमकिरिया समाउए चेक बोद्धव्वा ॥१॥२१॥ कइ णं भंते ! बेस्साओ पन्नत्ताओ ?, गोयमा ! छलेसाओ पन्नत्ता, तंजहा - साणं वीयओ उद्देसओ भाणियव्वो जाव इड्डी ॥ २२ ॥ जीवस्स णं भंते ! तीताए आदिस्स कइविहे संसारसंचिट्टणकाले पण्णत्ते ?, गोयमा ! चउव्विहे संसारचिणकाले पण्णत्ते, तंजहा - णेरइयसंसारसंचिट्टणकाले तिरिक्ख० मणुस्स० देवसंसारसंचिट्टणकाले य पण्णत्ते ॥ नेरइयसंसारसंचिट्ठणकाले णं भंते ! कतिविहे पण्णत्ते ?, गोयमा ! तिविहे पण्णत्ते, तंजहा - सुन्नकाले असुन्नकाले मिस्सकाले ॥ तिरिक्खजोणियसंसार पुच्छा, गोयमा ! दुविहे पन्नत्ते, तंजहा असुन्नकाले य मिस्सकाले य, मणुरसाण य देवाण य जहा नेरइयाणं ॥ एयस्स णं भंते ! नेरइयसंसारसंचिट्ठणकालस्स सुन्नकालस्स असुन्नकालस्स मीसकालस्सं य कयरे२हिंतो अप्पा वा बहुए वा तुल्ले वा 'विसेसाहिए वा ?, गोयमा ! सव्व० असुन्नकाले मिस्सकाले अणंतगुणे सुन्नकाले अनंतगुणे ॥ तिरि० जो० भंते ! सव्व० असुन्नकाले मिस्सकाले अनंतगुणे,
