________________
३९०
सुत्तागमे
[ भगवई
करेइ, से केणट्टेणं ?, गोयमा । संवुडे अणगारे आउयवज्जाओ सत्त कम्मपगडीओ धणियबंधणवद्धाओ 'सिढिलबंधणबद्धाओ पकरेइ दीहकालठिईयाओ हस्सकालट्ठि - याओ पकरेइ तिव्वाणुभावाओ मंदाणुभावाओ पकरेइ बहुप्पएसग्गाओ अप्पपएसगाओ पकरेइ, आउयं च णं कम्मं न वंधइ, अस्सायावेयणिजं च णं कम्मं नो भुज्जो भुज्जो उवचिणाइ, अणाइयं च णं अणवदग्गं दीहमद्धं चाउरंतसंसारकंतारं वीइवयइ, से एएणद्वेणं गोयमा ! एवं वुच्चइ - संवुडे अणगारे सिज्झइ जाव अंतं करेइ ॥ १८ ॥ जीवे णं भंते ! अस्संजए अविरए अप्पडिहयपञ्चक्खायपावकम्मे इओ चुए पेच्चा देवे सिया ?, गोयमा ! अत्थेगइए देवे सिया अत्थेगइए नो देवे सिया । से केणट्टेणं जाव इओ चुए पेचा अत्थेगइए देवे सिया अत्थेगइए नो देवे सिया ?, गोयमा ! जे इमे जीवा गामागरनगरनिगम रायहाणिखेड कब्वडमडंवदोणमुहपट्टणासमसन्निवेसे अकामतण्हाए अकामछुहाए अकामवंभचेरवासेणं अकामसीतातवदंसमसगअण्हाणगसेयजलमलपंकपरिदाहेणं अप्पतरं वा भुजतरं वा कालं अप्पाणं परिकिलेसंति अप्पार्णं परिकिलेसित्ता कालमासे कालं किच्चा अन्नयरेसु वाणमंतरेसु देवलोगेसु देवत्ताए उववत्तारो भवति ॥ केरिसाणं भंते ! तेसिं वाणमंतराणं देवाणं देवलोगा पण्णत्ता ?, गोयमा । से जहानामए - इहं मणुस्सलोगंमि असोगवणे इ वा सत्तवन्नवणे इ वा चंपयवणे इ वा चूयवणे इ वा तिलगवणे इ वा लाउयवणे इ वा निग्गोहवणे इ वा छत्तोववणे इ वा असणवणे इ वा सणवणे इ वा अयसिवणे इ वा कुसुंभवणे इ वा सिद्धत्थवणे इ वा बंधुजीवगवणे इ वा णिचं कुसुमियमाइयलवइयथवइयगुलइयगुच्छियजमलियजुवलियविणमियपणमियसुविभत्तपिडिमंजरिवडेंसगधरे सिरीए अतीव अतीव उवसोभेमाणे उवसोभेमाणे चिट्ठइ, एवामेव तेसिं वाणमंतराणं देवाणं देवलोगा जहन्नेणं दसवाससहस्सद्वितीएहिं उक्कोसेणं पलिओवमहितीएहिं वहूहिं वाणमंतरेहिं देवेहिं तद्देवीहि य आइण्णा वितिकिण्णा उवत्थंडा संथडा फुडाळे अवगाढगाढसिरीए अतीव अतीव उवसोभेमाणा चिद्वंति, एरिसगाणं गोयमा ! वेसिं वाणमंतराणं देवाणं देवलोगा प०, से तेणद्वेणं गोयमा । एवं वुचईजीवे णं असंजए जाव देवे सिया । सेवं भंते! सेवं भंते । त्ति भगवं गोयमे समणं भगवं महावीरं वंदति नम॑सति वंदइत्ता नर्मसत्ता संजमेणं तवसा अप्पाणं भावेमाणे विहरति ॥ १९ ॥ पढमे सए पढमो उद्देसो समत्तो ॥
रायगिहे नगरे समोसरणं, परिसा निग्गया जाव एवं वयासी-जीवे णं भंते । सयंकडं दुक्खं वेदेइ ?, गोयमा ! अत्थेगइयं वेएइ अत्थेगइयं नो वेएइ, से केणट्टेणं भंते ! एवं वुच्चइ - अत्थेगइयं वेदेइ अत्थेगइयं नो वेएइ ?, गोयमा ! उदिनं वेएई
