________________
३६२ सुत्तागमे
[समवाए इखंडे णं दीवे चत्तारि जोयणसयसहस्साई चकवालविक्खंभेणं पन्नत्ते ॥ २०२॥ लवणस्स णं समुदस्स पुरच्छिमिल्लाओ चरमंताओ पचच्छिमिल्ले चरमंते एस णं पंच जोयणसयसहस्साइं अवाहाए अंतरे पन्नत्ते ॥ २०३ ॥ भरहे णं राया चाउरंतचक्कवट्टी छ पुव्वसयसहस्साइं रायमज्झे वसित्ता मुंडे भवित्ता अगाराओ अणगारियं पव्वइए ॥ २०४ ॥ जंवूदीवस्स णं दीवस्स पुरच्छिमिल्लाओ वेइयंताओ धायइखंडचकवालस्स पञ्चच्छिमिल्ले चरमंते एस णं सत्त जोयणसयसहस्साई अवाहाए अंतरे पन्नत्ते ॥ २०५॥ माहिदे णं कप्पे अट्ठ विमाणावाससयसहस्साइं पन्नत्ताई ॥२०६॥ अजियस्स णं अरहओ साइरेगाइं नव ओहिनाणिसहस्साइं होत्था ॥ २०७ ॥ पुरिससीहे णं वासुदेवे दस वाससयसहस्साइं सव्वाउयं पालइत्ता पंचमाए पुढवीए नेरइएसु नेरइयत्ताए उववन्ने ॥ २०८ ॥ समणे भगवं महावीरे तित्थगरभवग्गहणाओ छठे पोट्टिलभवग्गहणे एगं वासकोडि सामन्नपरियागं पाउणित्ता सहस्सारे कप्पे सव्वट्ठविमाणे देवत्ताए उववन्ने ॥ २०९ ॥ उसभसिरिस्स भगवओ चरिमस्स य महावीरवद्धमाणस्स एगा सागरोवमकोडाकोडी अवाहाए अंतरे पन्नत्ते ॥ २१० ।। दुवालसंगे गणिपिडगे पन्नत्ते, तं जहा-आयारे, सूयगडे, ठाणे, समवाए, विवाहपन्नत्ती, णायाधम्मकहाओ, उवासगदसाओ, अंतगडदसाओ, अणुत्तरोवचाइयदसाओ, पण्हावागरणाई, विवागसुए, दिद्विवाए । से किं तं आयारे ? आयारे णं समणाणं निग्गंथाणं आयारगोयरविणयवेणइयट्ठाणगमणचंकमणपमाणजोगजुंजणभासासमितिगुत्तीसेजोवहिभत्तपाणउग्गमउप्पायणएसणाविसोहिसुद्धासुद्धगहणवय णियमतवोवहाणसुप्पसत्थमाहिज्जइ । से समासओ पंचविहे पन्नत्ते, तं जहा-णाणायारे, दंसणायारे, चरित्तायारे, तवायारे, विरियायारे । आयारस्स गं परित्ता वायणा, संखेजा अणुओगदारा, संखेजाओ पडिवत्तीओ, संखेज्जा वेढा, संखेजा सिलोगा, संखेजाओ निजुत्तीओ । से णं अंगठ्ठयाए पढमे अंगे दो सुयक्खंधा, पणवीसं अज्झयणा, पंचासीइं उद्देसणकाला, पंचासीइं समुद्देसणकाला, अट्ठारस पदसहस्साई पदग्गेणं, संखेज्जा अक्खरा, अगंता गमा, अगंता पजवा, परित्ता तसा, अणंता थावरा, सासया कडा निबद्धा णिकाइया जिणपण्णत्ता भावा आघविनंति पण्णविनंति परूविजंति दसिजति निदंसिर्जति उवदंसिज्जति । से एवं णाया एवं विण्णाया। एवं चरणकरणपरूवणया आघविनंति पण्णविनंति परूविजंति देसिज्जति निदंसिर्जति उवदंसिजति । से तं आयारे ॥ २११ ॥ से किं तं सूअगडे ? सूअगडे णं ससमया सूइज्जति, परसमया सूइजति, ससमयपरसमया सूइज्जति, जीवा सृइजति, अजीवा सूइज्जति, जीवाजीवा सूइज्जति, लोगो सूइज्जति, अलोगो
