Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 409

स० ९७]
सुत्तागमे
३५७
दुक्खप्पहीणे। समणे भगवं महावीरे इमीसे ओसप्पिणीए चउत्थाए दूसमसुसमाए समाए पच्छिमे भागे एगूणनउइए अद्धमासेहिं सेसेहि कालगए जाव सव्वदुक्खप्पहीणे । हरिसेणे णं राया चाउरंतचक्कवट्टी एगणनउइं वाससयाई महाराया होत्था। संतिस्स णं अरहओ एगणनउई अज्जासाहस्सीओ उक्लोसिया अज्जियासंपया होत्था ॥१६७ ॥ सीयले णं अरहा नउइं धणूई उड्ढे उच्चत्तेणं होत्था । अजियस्स णं अरहओ नउई गणा नउई गणहरा होत्था । एवं संतिस्स वि । सयंभुस्स ण वासुदेवस्स णउइ वासाइं विजए होत्था । सव्वेसि णं वट्टवेयडपव्वयाणं उवरिल्लाओ सिहरतलाओ सोगंधियाण्डस्स हेहिले चरमंते एस णं नउइ जोयणसयाई अवाहाए अतरे प० ॥ १६८ ॥ एकाणउई परवेयावच्चकम्मपडिमाओ पन्नत्ताओ । कालोए णं समुद्दे एकाणउई जोयणसयसहस्साइं सहियाइं परिक्खेवेणं प० । कुंथुस्स णं अरहओ एकाणउई आहोहियसया होत्था । आउयगोयवज्जाणं छण्हं कम्मपगडीणं एकाणउई उत्तरपगडीओ पन्नत्ताओ ॥ १६९ ॥ वाणउई पडिमाओ पन्नत्ताओ । थेरेणं इंदभूती वाणउइ वासाइं सव्वाउयं पालइत्ता सिद्धे युद्धे । मंदरस्स णं पव्वयस्स बहुमज्झदेसभागाओ गोथूमस्स आवासपव्वयस्स पञ्चच्छिमिल्ले चरमंते एस णं वाणउई जोयणसहस्साई अवाहाए अंतरे प० । एवं चउण्हं वि आवासपव्वयाणं ॥ १७०॥ चंदप्पहस्स णं अरहओ तेणउई गणा तेणउई गणहरा होत्था । संतिस्स णं अरहओ तेणउई चउद्दसपुचिसया होत्था । तेणउइमंडलगते णं सूरिए अतिवट्टमाणे वा निवमाणे वा समं अहोरत्तं विसमं करेइ ॥१७१॥ निसहनीलवंतियाओ णं जीवाओ चउणउइ जोयणसहस्साई एकं छप्पण्णं जोयणसयं दोन्नि य एगूणवीसइभागे जोयणस्स आयामेणं प० । अजियस्स णं अरहओ चउणउइ ओहिनाणिसया होत्या ॥ १७२ ॥ सुपासस्स णं अरहओ पंचाणउइ गणा पंचाणउइ गणहरा होत्था । जंबुद्दीवस्स णं दीवस्स चरमंताओ चउद्दिसिं लवणसमुद्दे पंचाणउइ पंचाणउइ जोयणसहस्साइं ओगाहित्ता चत्तारि महापायालकलसा पतं जहा-वलयामुहे केऊए जूयए ईसरे। लवणसमुदस्स उभओ पास पि पंचाणउयं पंचाणउयं पदेसाओ उव्वेहुस्सेहपरिहाणीए प० । कुंथू णं अरहा पंचाणउइ वाससहस्साइं परमाउयं पालइत्ता सिद्ध बुद्धे जाव प्पहीणे । थेरे' णं मोरियपुत्ते पंचाणउइ वासाइं सव्वाउयं पालइत्ता सिद्ध बुद्धे जाव प्पहीणे ॥ १७३ ॥ एगमेगस्स णं रन्नो चाउरंतचक्कवट्टिस्स छण्णउई छण्णउई गामकोडीओ होत्था । वाउकुमाराणं छण्णउइ भवणावाससयसहस्सा प० । ववहारिए णं दंडे छण्णउइ अंगुलाई अंगुलमाणेणं । एवं धणू नालिया जुगे अक्खे मुसले वि हु । अन्भितरओ आइमुहुत्ते छण्णउइअंगुलछाए प० ॥ १७४ ॥ मंदरस्स णं पव्वयस्स पचच्छिमि