________________
सुत्तागमे
[गणे चलेजा, विउविजमाणे वा चलेजा, परियारिजमाणे वा चलेजा, जक्खाइठे वा चलेजा, वायपरिग्गहे वा चलेजा ॥ ९३५ ॥ दसहि ठाणेहिं कोहुप्पत्ती सिया तं० मणुनाई मे सद्दफरिसरसरूवगंधाइमवहरिंसु, अमणुन्नाई मे सफरिसरसरूवगंधाई उवहरिंसु, सणुन्नाइं मे सद्दफरिसरसरूवगंधाई अवहरइ, अमणुन्नाइं मे सद्दफरिसजावगंधाइं उवहरइ, मणुण्णाइं मे सद्द जाव अवहरिस्सइ, अमणुण्णाइं मे सद्द जाव उवहरिस्सइ, मणुण्णाइं मे सद्द जाव गंधाइं अवहरिंसु वा अवहरइ अवहरिस्सइ, अमणुण्णाइं मे सद्द जाव उवहरिंसु वा उवहरइ उवहरिरसइ, मणुण्णामणुण्णाई सद्द जाव अवहरिसु अवहरइ अवहरिस्सइ उवहरिंसु उवहरइ उवहरिरसइ अहं च णं आयरियउवज्झायाणं सम्मं वहामि ममं च णं आयरियउवज्झाया मिच्छं पडिवाना ॥ ९३६ ॥ दसविहे संजमे प० तं० पुढविकाइयसंजमे जाव वणस्सइकाइयसंजमे बेइंदियसंजमे तेइंदियसंजमे चउरिदियसंजमे पंचिंदियसंजमे अजीवकायसंजमे ॥ ९३७ ॥ दसविहे असंजमे प० तं० पुढविकाइयअसंजमे, आउ० तेउ० वाउ. वणस्सइ० जाव अजीवकायअसंजमे ॥ ९३८ ॥ दसविहे संवरे प० तं०-सोइंदियसंवरे जाव फासिंदियसंवरे मण० वय० काय० उवकरण० सूचीकुसग्गसंवरे ॥९३९॥ दसविहे असंवरे प० तं०-सोइंदियअसंवरे, जाव सूचीकुसग्गअसंवरे ॥ ९४०॥ दसहिं ठाणेहिं अहमंतीति थंभिजा तं०-जाइमएण वा कुलमएण वा जाव इस्सरियमएण वा णागसुवन्ना वा मे अंतियं हव्वमागच्छंति, पुरिसधम्माओ वा मे उत्तरिए अहोहिए नाणदंसणे समुप्पन्ने ॥ ९४१ ॥ दसविहा समाही प० तं०-पागाइवायवेरमणे, मुसा० अदिन्ना० मेहुण० परिग्गह०इरियासमिई भासा० एसणा० आयाण० उच्चारपासवणखेलजल्लसिघाणपारिठ्ठावणियासमिई ॥ ९४२ ॥ दसविहा असमाही प० तं० पाणाइवाए जाव परिरगहे, इरियाऽसमिई जाव उच्चार० ॥ ९४३ ॥ दसविहा पव्वज्जा प० तं०-छंदा रोसा परिजुन्ना सुविणा पडिस्सुआ चेव सारणिया रोगिणिया अणाढिया देवसन्नत्ती वच्छाणुवंधिया ॥ ९४४ ॥ दस विहे समणधम्मे प० तं० खंती मुत्ती अजवे मद्दवे लाघवे सच्चे संजमे तवे चियाए वंभचेरवासे ॥ ९४५ ॥ दसविहे वेयावच्चे प० तं० आयरियवेयावच्चे उवज्झायवेयावच्चे थेरवेयावच्चे तवस्सि० गिलाण० सेह० कुल० गण० संघवेयावच्चे साहम्मियवेयावच्चे ॥ ९४६ ॥ दसविहे जीवपरिणामे प० तं० गइपरिगामे इंदियपरिगामे कसायपरिगामे लेस्सा० जोग० उवओग० णाण० दंसण० चरित्त० वेयपरिणामे ॥९४७॥ दसविहे अजीवपरिणामे प० त० बंधणपरिणामे गइ० संठाण० भेद० वग० रस० गंध० फास० अगुरुलहु० सद्दपरिणामे ॥ ९४८ ॥ दसविहे अंतलिक्खिए असज्झाइए प० त०
