________________
सुत्तागमे २८४
[ठाणे जाव घोसमहाघोसाणं णेयव्वं सक्कस्स णं देविदस्स देवरन्नो सत्त अणिया सत्त अणियाहिवई प० तं० पायत्ताणिए जाव गंधव्वाणिए हरिणेगमेसी पायत्ताणियाहिवई जाव माढरे रहाणियाहिवई सेए णट्टाणियाहिवई तुंवुरू गंधव्वाणियाहिवई ईसाणस्स णं देविंदस्स देवरण्णो सत्त अणिया सत्त अणियाहिवइणो प० तं० पायत्ताणिए जाव गंधव्वाणिए लहुपरक्कमे पायत्ताणियाहिंवई जाव महासेए णट्टाणियाहिवई रए गंधवाणियाहिवई सेसं जहा पंचठ्ठाणे एवं जाव अञ्चयस्स वि णेयव्वं ॥ ७३०७३१ ॥ चमरस्स णं असुरिदस्स असुरकुमाररन्नो दुमस्स पायत्ताणियाहिवइस्स सत्त कच्छाओ प० तं० पढमा कच्छा जाव सत्तमा कच्छा, चमरस्स णं असुरिंदस्स असुरकुमाररन्नो दुमस्स पायत्ताणियाहिवइस्स पढमाए कच्छाए चउसठि देवसहस्सा प० जावइया पढमा कच्छा तब्बिगुणा दोच्चा कच्छा तब्बिगुणा तच्चा कच्छा एवं जाव जावझ्या छठ्ठा कच्छा तब्बिगुणा सत्तमा कच्छा एवं बलिस्स वि णवरं महद्दुमे सठ्ठिदेवसाहस्सिओ सेसं तं चेव धरणस्स एवं चेव णवरं अठ्ठावीसं देवसहस्सा सेसं तं चेव जहा धरणस्स एवं जाव महाघोसस्स णवरं पायत्ताणियाहिंवई अन्ने ते पुव्वभणिता ॥ ७३२ ॥ सकस्स णं देविदस्स देवरण्णो हरिणेगमेसिस्स सत्त कच्छाओ प० तं० पढमा कच्छा एवं जहा चमररस तहा जाव अञ्चुयस्स, णाणत्तं पायत्ताणियाहिवईणं ते पुव्वभणिया देवपरिमाणमिमं सक्कस्स चउरासीइं देवसहस्सा ईसाणस्स असीई देवसहस्साइं देवा इमाए गाहाए अणुगंतव्वा, 'चउरासीइ असीइ वावत्तरि सत्तरी य सठ्ठीया; पन्ना चत्तालीसा तीसा वीसा दससहस्सा' (१) जाव अच्चुयस्स लहुपरकमस्स दसदेवसहस्सा जाव जावइया छठ्ठा कच्छा तब्बिगुणा सत्तमा कच्छा ॥ ७३३ ॥ सत्तविहे वयणविकप्पे प० तं० आलावे, अणालावे, उल्लावे, अणुलावे, संलाचे, पलावे, विप्पलावे ॥ ७३४ ॥ सत्तविहे विणए प० तं० णाणविणए, दंसणविणए, चरित्तविणए, मणविणए, वइविणए, कायविणए, लोगोवयारविणए । ७३५ ॥ पसत्थमणविणए सत्तविहे प० तं० अपावए असावजे अकिरिए निस्वकेसे अणण्हकरे अच्छविकरे अभूताभिसंकमणे ॥ ७३६ ॥ अपसत्यमणविणए सत्तविहे प० तं० पावए सावजे सकिरिए सउवकेसे अण्हकरे छविकरे भूयाभिसंकमणे ॥ ७३७ ॥ पसत्थवइविणए सत्तविहे प० तं० अपावए असावजे जाव अभूयाभिसंकमणे ॥ ७३८ ॥ अपसत्थवइविणए सत्तविहे प० तं० - पावए, जाव भूयाभिसंकमणे ॥ ७३९ ॥ पसत्थकायविणए सत्तविहे प० तं० आउत्तं गमणं आउत्तं ठाणं आउत्तं निसीयणं आउत्तं तुअट्टणं आउत्तं उल्लंघणं आउत्तं पल्लंघणं आउत्तं सम्विदियजोगजुंजणया ॥ ७४० ॥अपसत्थकायविणए सत्तविहे प० तं०
