________________
[ठाणे
૨૮ર
सुत्तागमे सत्तमाए पुढवीए अप्पइठ्ठाणे णरए गेरइयत्ताए उववण्णे ॥ ६९७ ॥ मल्ली गं अरहा अप्पसत्तमे मुंडे भवित्ता अगाराओ अणगारियं पव्वइए तं० मल्ली विदेहरायवरकण्णगा, पडिबुद्धी इक्खागराया, चंदच्छाए अंगराया, रुप्पी कुणालाहिवई, संखे कासीराया, अदीणसत्तू कुरुराया, जियसत्तू पंचालराया ॥ ६९८ ॥ सत्तविहे दंसणे प० तं० सम्मदंसणे मिच्छदसणे सम्ममिच्छदसणे चक्खुदंसणे अचक्खुदंसणे
ओहिदंसणे केवलदंसणे ॥ ६९९ ॥ छउमत्थवीयरागे णं मोहणिजवजाओ सत्त कम्मपयडीओ वेएइ, तं० णाणावरणिजं, ईसणावरणिजं, वेयणियं, आउयं, नाम, गोयमंतराइयं ॥ ७०० ॥ सत्त ठाणाई छउमत्थे सव्वभावेणं न जाणइ न पासइ, तं० धम्मत्यिकाय, अधम्मत्थिकायं, आगासस्थिकायं, जीवं असरीरपडिबद्धं, परमाणुपोग्गलं, सई, गंधं ॥ ७०१॥ एयाणि चेव उप्पन्नणाणे जाव जाणइ पासइ, तं० धम्मत्थिकायं जाव गंधं ॥ ७०२ ॥ समणे भगवं महावीरे वयरोसभणारायसंघयणे समचउरंससंठाणसंठिए सत्त रयणीओ उड्ढे उच्चत्तेणं होत्था ॥ ७०३ ॥ सत्तचिकहाओ प० तं० इत्थिकहा, भत्तकहा, देसकहा, रायकहा, मिउकालणिया, दसणभेयणी, चरित्तभेयणी ॥७०४॥ आयरियउवज्झायस्स णं गणंसि सत्त अइसेसा प० तं० आयरियउवज्झाए अंतो उवस्सयस्स पाए णिगिज्झिय २ पप्फोडेमाणे वा पमज्जेमाणे वा णाइकमइ एवं जहा पंचठ्ठाणे जाव बाहिं उवस्सयस्स एगरायं वा दुरायं वा वसमाणे णाइक्कमइ उवगरणाइसेसे भत्तपाणाइसेसे ॥ ७०५॥ सत्तविहे संजमे प० तं० पुढविकाइयसंजमे जाव तसकाइयसेंजमे अजीवकायसंजमे ॥७०६॥ सत्त विहे असंजमे प०तं. पुढविकाइयअसंजमे जाव तसकाइयअसंजमे, अजीवकायअसंजमे ॥ ७०७ ॥ सत्तविहे आरंभे प० तं. पुढविकाइयआरंभे जाव अजीवकायआरंभ एवमणारंभेवि एवं सारंभे वि एवमसारंभे वि एवं समारंभेवि एवं असमारंभेवि जाच अजीवकायअसमारभे ॥७०८॥ अह भंते ! अयसिकुसुंभकोदवकंगुरालग (वराकोदूसगा) सणसरिसवमूलगवीयाणं एएसि णं धन्नाणं कोठाउत्ताणं पल्लाउत्ताणं जाव पिहियाणं केवइयं कालं जोणी संचिठ्ठइ ? गोयमा ! जहन्नेणं अंतोमुहुत्तं उक्कोसेणं सत्त संवच्छराइं, तेण परं जोणी पमिलायइ जाव जोणीवोच्छेदे प० ॥ ७०९ ॥ वायरआउकाइयाणं उक्कोसेगं सत्त वाससहस्साई ठिई प० ॥ ७१० ॥ तच्चाए णं वालयप्पभाए पुढवीए उकोसेणं नेरइयाणं सत्त सागरोवमाई ठिती प० ॥ ७११॥ चउत्थीए णं पंकप्पभाए पुढवीए जहण्णेणं नेरइयाणं सत्तसागरोवमाई ठिती प० ॥ ७१२ ॥ सफस्स णं देविंदस्स देवरन्नो वरुणस्स महारन्नो सत्त अगमहिसीओ प० ॥ ७५३ ॥ ईसाणस्स णं देविंदस्स देवरन्नो सोमस्स महारन्नो सत्त अग्ग
