________________
म० ३ उ०४]
सुत्तागमे ॥ २५७ ॥ तिविहा आराहणा प० तं० णाणाराहणा, दंसणाराहणा, चरित्ताराहणा, जाणाराहणा तिविहा प० तं० उकोसा, मज्झिमा, जहन्ना, एवं दसणाराहणावि, चरित्ताराहणावि, तिविहे संकिलेसे प० तं० णाणसंकिलेसे; दसणसंकिलेसे, चरित्तसंकिलेसे, एवं असंकिलेसेवि, एवं अइक्कमे वि, वइक्कमे वि, अइयारे वि, अणायारे वि, तिण्हमइकमाणं आलोएज्जा, पडिक्कमेजा, गिंदेजा, गरहिजा जाव पडिवज्जिजा, तं० णाणाइक्कमस्स, दंसणाइक्कमस्स, चरित्ताइक्कमस्स, एवं वइकमाणं, अइयाराणं, अणायाराणं ॥ २५८ ॥ तिविहे पायच्छित्ते प० तं० आलोयगारिहे, पडिक्कमणारिहे, तदुभयारिहे ॥ २५९ ॥ जंबुद्दीवे दीवे मंदरस्स पव्वयस्स दाहिणेणं तओ अकम्मभूमीओ प० त० हेमवए हरिवासे देवकुरा, जंबुद्दीवे दीवे मंदरस्स पव्वयस्स उत्तरेणं तओ अकम्मभूमीओ प० तं० उत्तरकुरा, रम्मगवासे, एरन्नवए, जंबुद्दीवे दीवे मंदरपव्वयस्स दाहिणेणं तओ वासा प० तं० भरहे, हेमवए, हरिवासे, जंवूमंदरस्स उत्तरेणं तओ वासा प० त० रम्मगवासे, हेरन्नवए, एरवए, जंवूमंदरस्स दाहिणेणं तओ वासहरपव्वया प० तं० चुल्लहिमवंते, महाहिमवंते, णिसढे, जंवूमंदरस्स उत्तरेणं तओ वासहरपव्वया प० तं० णीलवंते, रुप्पी, सिहरी, जंवूमंदरस्स दाहिणेगं तओ महादहा प० तं० पउमद्दहे, महापउमद्दहे, तिगिच्छिद्दहे, तत्थ णं तओ देवयाओ महिड्डियाओ जाव पलिओवमछिईयाओ परिवसंति तं० सिरी, हिरी, धिई । एवं उत्तरेण वि, णवरं केसरिद्दहे, महापोंडरीयद्दहे, पोंडरीयद्दहे, देवयाओ कित्ती, बुद्धी, लच्छी, जंबूमंदरस्स दाहिणेणं चुलाहिमवंताओ वासहरपव्वयाओ पउमदहाओ महादहाओ तओं महाणईओ पवहंति तं० गंगा सिन्धू रोहियंसा। जंवूमंदरस्स उत्तरेणं सिहरीओ वासहरपव्वयाओ पोंडरीयद्दहाओ महदहाओ तओ महाणदीओ पवहति तं० सुवन्नकूला रत्ता रत्तवई । जंवूमंदरस्स पुरच्छिमेणं सीयाए महाणईए उत्तरेणं तओ अंतरणईओ प० तं० गाहावई, दहवई, पूंकवई, जंबूमंदरस्स पुरत्थिमेणं सीयाए महाणईए दाहिणेणं तओ अंतरणईओ प० तं० तत्तजला, मत्तजला, उम्मत्तजला, जंवूमंदरस्स पचत्थिमेणं सीओदाए महाशईए दाहिणेणं तओ अंतरणईओ प०. तं० खीरोदा, सीहसोया, अंतोवाहिणी, 'जंवूमंदरस्स पच्चस्थिमेणं सीओदाएं महाणईए उत्तरेणं तओं अंतरणईओ प० तं० उम्मिमालिणी, फेमालिणी, गंभीरमालिणी, एवं धायईखड़े दीवे पुरच्छिमद्धेवि अम्मभूमीओ आढवेत्ता जाव अंतरणईओत्ति, 'णिरवसेसं भाणियव्वं, जाव पुक्खरवरदीवडपचत्थिमद्धे तहेव णिरवसेसं भाणियव्वं ॥ २६० ॥ तिहिं ठाणेहिं देसे पुढवीए चलेजा तंजहा-अहेणमिमीसे रयणप्पभाए पुढवीए
