________________
२०२
सुत्तागमे
[गणे
समुद्दा, प० तं० लवणे चेव कालोदे चेव, दोचकवट्टी अपरिचत्तकामभोगा कालमासे कालं किच्चा अहे सत्तमाए पुढवीए अप्पइठ्ठाणनरए नेरइयत्ताए उववन्ना तं० सुभूमे चेव बंभदत्ते चेव ॥ १५८ ॥ असुरिंदवज्जियाणं भवणवासीणं देवाणं देसूगाइं दोपलिओवमाइं ठिई प० सोहम्मे कप्पे देवाणं उक्कोसेणं दोसागरोवमाइं ठिई प० ईसाणे कप्पे देवाणं उक्कोसेणं साइरेगाइं दोसागरोवमाइं ठिई प० सणंकुमारे कप्पे देवाणं जहन्नेणं दोसागरोवमाइं ठिई प० माहिंदे कप्पे देवाणं जहन्नेणं साइरेगाई दोसागरोवमाइं ठिई पन्नत्ता ॥ १५९ ॥ दोसु कप्पेसु कप्पत्थियाओ पण्णत्ताओ तं. सोहम्मे चेव ईसाणे चेव, दोसु कप्पेसु देवा तेउलेस्सा प० तं० सोहम्मे चेव ईसाणे चेव, दोसु कप्पेसु देवा कायपरियारगा प० तं० सोहम्मे चेव ईसाणे चेव, दोसु कप्पेसु देवा फासपरियारगा प० तं० सणंकुमारे चेव, माहिंदे चेव, दोसु कप्पेसु देवा रूवपरियारगा प० तं० बंभलोए चेव, लंतए चेव, दोसु कप्पेसु देवा सद्दपरियारगा प० तं० महासुक्के चेव, सहस्सारे चेव, दोइंदा मणपरियारगा, प० तं० पाणए चेव, अच्चुए चेव ॥ १६० ॥ जीवाणं दोठ्ठाणनिव्वत्तिए पोग्गले पावकम्मत्ताए चिणिसु वा चिणंति वा चिणिस्संति वा तंजहा-तसकायनिव्वत्तिए चेव, थावरकायनिव्वत्तिए चेव, एवं उवचिणिसु वा, उवचिणंति वा, उवचिणिस्संति वा, बंधिंसु वा, बंधंति वा, बंधिस्संति वा, उदीरिसु वा, उदीरेंति वा, उदीरिस्संति वा, वेदिसु वा, वेदिति वा, वेदिस्संति वा, णिज्जरिंसु वा, णिजरेंति वा, णिजरिस्संति वा ॥ १६१ ॥ दुप्पएसिया खंधा अणंता प० दुपएसोगाढा पोग्गला अणंता प० एवं जाव दुगुणलुक्खा पोग्गला अणंता पण्णत्ता ॥ १६२॥ बीयठाणस्स चउत्थोद्देसो समत्तो, बीयं ठाणं समत्तं ॥
तइयाणं तओ इंदा प० तं० णामिंदे-दव्विदे-भाविदे ॥ तओ इंदा प० तं० णाणिदेदंसणिंदे-चरित्तिदे, तओ इंदा प० तं० देविंदे-असुरिंदे-मणुस्सिंदे ॥ १६३ ॥ तिविहा विउव्वणा प० तं० वाहिरए पोग्गलए परियाइत्ता एगा विउव्वणा, बाहिरए पोग्गले अपरियाइत्ता एगाविउव्वणा, बाहिरए पोग्गले परियाइत्ता वि अपरियाइत्ता वि एगा विउव्वणा तिविहा विउव्वणा, प० तं० अभंतरए पोग्गले परियाइत्ता एगा विउव्वणा अभंतरए पोग्गले अपरियाइत्ता एगाविउव्वणा अब्भंतरए पोग्गले परियाइत्तावि अपरियाइत्तावि एगा विउव्वणा, तिविहा विउव्वणा प० तं० बाहिरभंतरए पोग्गले परियाइत्ता एगा विउव्वणा वाहिरभंतरए पोग्गले अपरियाइत्ता
