________________
सुत्तागमे
[ठाणे स्संति वा । एवं चक्कवट्टिवंसा, दसारवंसा, जंबूभरहेरवएसु एगसमए दोअरिहंता उप्पन्जिसु वा उप्पनंति वा उप्पजिस्संति वा, एवं चक्कवट्टिणो वलदेवा वासुदेवा, जाव उपज्जिस्संति वा ॥ १३५ ॥ जंबू० दोसु कुरासु मणुया सया सुसमसुसमुत्तममिड्डि पत्ता पच्चणुभवमाणा विहरंति, तंजहा-देवकुराए चेव, उत्तरकुराए चेव, जंबुद्दीवे दीवे दोसु वासेसु मणुया सया सुसमुत्तममिढेि पत्ता पच्चणुभवमाणा विहरंति तंजहा-हरिवासे चेव रम्मगवासे चेव, जंतु० दोसु वासेसु मणुया सया सुसमदुसमुत्तममिड्डि पत्ता पच्चणुभवमाणा विहरंति, तंजहा-हेमवए चेव एरनवए चेव, जंबुदीवे दीवे दोसु खित्तेसु मणुया सया दुसमसुसमुत्तममिड्ढेि पत्ता पञ्चणुभवमाणा विहरंति, तंजहा-पुन्वविदेहे चेव अवरविदेहे चेव, जंबुद्दीवे दीवे दोसु वासेसु मणुया छव्विहंपिकालं पचणुब्भवमाणा विहरंति, तंजहा-भरहे चेव, एरवए चेव ॥ १३६ ॥ जंबुद्दीवे २ दोचंदा पभासिंसु वा, पभासंति वा, पभासिस्संति वा, दोसूरिया तवइंसु वा, तवंति वा, तविस्संति वा, दो कत्तियाओ, दो रोहिणीओ दो मियसिराओ, दो अदाओ, एवं भाणियव्वं ॥ कत्तियरोहिणिमियसिर अद्दा य पुणव्वसू य पुस्सो य । तत्तोवि अस्सलेसा, महा य दो फग्गुणीओ य १ हत्थो चित्ता साई, विसाहा तह य होति अणुराहा, जेठा मूलो पुव्वा य, आसाढा उत्तरा चेव २ अभिई सवण धणिठा सयभिसया दो य होंति भद्दवया, रेवइ अस्सिणि भरणी, णेयव्वा आणुपुत्वीए ३ एवं गाहानुसारेण णायव्वं जाव दो भरणीओ, दो अग्गी दो पयावई दोसोमा दोरुद्दा दोअइई दोबहस्सई दोसप्पी दोपीई दोभगा दोअज्जमा दोसविया दोतछा दोवाऊ दोइंदग्गी दोमित्ता दोइंदा दोनिरई दोआऊ दोविस्सा दोबह्मा दोविण्हू दोवसू दोवरुणा दोअया दोविविद्धी दोपुस्सा दोअस्सा दोयमा दोइंगालगा दोवियालगा दोलोहियक्खा दोसणिच्चरा दोआहणिया दोपाहणिया दोकणा दोकणगा दोकणकणगा दोकणगवियाणगा दोकणगसंताणगा दोसोमा दोसहिया दोआसासणा दोकजावगा दोकब्बडगा दोअयकरगा दोदुंदुभगा दोसंखा दोसंखवन्ना दोसंखवन्नाभा दोकंसा दोकंसवन्ना दोकंसवन्नाभा दोरुप्पी दोरुप्पाभासा दोनीला दोनीलोभासा दोभासा दोभासरासी दोतिला दोतिलपुप्फवन्ना दोदगा दोदगपंचवन्ना दाकाका दोककंधा दोइंदग्गीवा दोधूमकेऊ दोहरी दोपिंगला दोबुहा दोसुक्का दोबहस्सइ दोराहू दोअगत्थी दोमाणवगा दोकासा दोफासा दोधुरा दोपमुहा दोवियडा दोविसंधा दोनियल्ला दोपइल्ला दोजडियाइलगा दोअरुणा दोअग्गिल्ला दोकाला दोमहाकालगा दोसोत्थिया दोसोवत्थिया दोवद्धमाणगा दोपूसमाणगा दोअंकुसा दोपलंबा दोनिच्चालोगा दोनिच्चुज्जोया दोसयंपभा दोओभासा दोसेयंकरा दोखेमंकरा दोआभंकरा
