________________
सुत्तागमे
[. सूयगड
जा सा सव्वओ अविरइ एसठ्ठाणे आरंभठ्ठाणे अणारिए जाव असन्वदुक्खप्पडीणमग्गे एगंतमिच्छे असाहू, तत्थणं जा सा सव्वओ विरइ एसठाणे अणारंभठ्ठाणे आरिए जाव सव्वदुक्खप्पहीणसग्गे एगंतसम्मे साहू, तत्थणं जा सा सव्वओ विरयाविरइ एसठ्ठाणे आरंभणोरंआभठ्ठाणे एसठ्ठाणे आरिए जाव सव्वदुक्खप्पहीणमग्गे एगंतसम्मे साहू ।। २५ ।। ६७५ ।। एवमेव समणुगम्ममाणा इमेहिं चैव दोहिं ठाणेहिं समोअरंति, तंजहा - धम्मे चेव अधम्मे चेव, उवसंते चेव अणुवसंते चेव, तत्थणं जे से पढमठ्ठाणस्स अधम्मपक्खस्स विभंगे एवमाहिए तरसणं इमाई तिन्नि तेवठ्ठाइं पावादुयसयाईं भवतीति मक्खायाई, तंजहा - किरियावाईणं अकिरियावाईणं अन्नाणियवाईणं वेणइयवाईणं तेवि परिनिव्वाणमाहंसु तेवि परिमोक्खमाहंसु तेवि लवंति सावगा बिलवंत सावइत्तारो ॥ २६ ॥ ६७६ ॥ ते सव्वे पावाडया आइगरा धम्माण णाणापन्ना णाणाछंदा णाणासीला णाणादिठ्ठी णाणारुई णाणारंभा णाणाज्झवसाणसंजुत्ता एगं महं मंडलिबंधं किच्चा सव्वे एगओ चिठ्ठति ॥ २७ ॥ ६७७ ॥ पुरिसेय सागणियाणं इंगालाणं पाईं बहुपडिपुन्नं अओमएणं संडासएणं गहाय ते सव्वे पावाउए आइगरा धम्माणं णाणापन्ना जाव णाणाज्झवसाणसंजुत्ते एवं वयासी-हंभो पावाउया आइगरा धम्माणं णाणापन्ना जाव णाणाअज्झवसाणसंजुत्ता इमं ताव तुब्भे सागणियाणं इंगालाणं पाईं बहुपडिपुन्नं गहाय मुहुत्तयं २ पाणिणा धरेह णो बहुसंडा - सगं संसारियं कुज्जा, णो वहुअग्गियंभणियं कुजा णो बहु साहम्मियवेयावडियं कुजा णो बहु परधम्मियवेयावडियं कुज्जा, उज्जुया णियागपडिवन्ना अमायं कुव्वमाणा पाणि पसारेह इतिबुच्चा से पुरिसे तेसिं पावादुयाणं तं सागणियाणं इंगालाणं पाईं बहुपडिपुन्नं अउमएणं संडासएणं गहाय पाणिंसु णिसिरति तएणं ते पावादुया आइगरा धम्माणं णाणापन्ना जाव णाणाज्झवसाणसंजुत्ता पाणिं पडिसाहरंति तएणं से पुरिसे ते सव्वे पावाउए आइगरे धम्माणं जाव णाणाज्झवसाणसंजुत्ता एवं वयासी हंभो ! पावादुया आइगरा धम्माणं णाणापन्ना जाव णाणाज्झवसाणसंजुत्ता कम्हाणं तुब्भे पाणिं पडिसाहरह पाणिं णो डहिजा, दड्ढे किं भविस्सइ दुक्खं दुक्खं ति मण्णमाणा पडिसाहरह एस तुला एसप्पमाणे एस समोसरणे पत्तेयं तुला पत्तेयं पमाणे पत्तेयं समोसरणे तत्थणं जे ते समणा माहणा एवमाइक्खंति, जाव परूवेंति सव्वे पाणा जाव सत्ता हतव्या अजावेयव्वा परिघेतव्वा परियावेयव्वा किलामेयव्वा उडवेयव्वा ते आगंतु छेयाए ते आगंतु भेयाए जाव ते आगंतु जाइजरामरणजोणिजम्मणसंसारपुणन्भवगव्भवासभवपर्वचकलंकलीभागिणो भविस्संति, ते बहूणं दंडणाणं बहूणं मुंडगाणं तजगाणं तालणाणं अंदुबंधणाणं जाव घोलणाणं माइमरणाणं पिइमरणाणं
१५८
