________________
सु० १ अ० ४ ]
सुत्तागमे
१२६१
पुरा (पु) पोराणाणं जाव विहरइ । अभग्गसेणे णं भंते । चोरसेणावई कालमासे कालं किच्चा कहिं गच्छिहि० कहिं उववज्जिहिइ ? गोयमा ! अभग्गसेणे चोरसेणावई सत्तत्तीसं वासाइं परमाउयं पालइत्ता अजेब तिभागावसेसे दिवसे सूलभिन्ने कए समाणे कालमासे कालं किच्चा इमीसे रयणप्पभाए पुढवीए उक्कोस'' नेरइएसु उववज्जिहिइ, से णं तओ अनंतरं उव्वट्टित्ता एवं संसारो जहा पढ (मो) मे जाव पुढवीए, तओ उव्वट्टित्ता वाणारसीए नयरीए सूयरत्ताए पच्चायाहिड, से णं तत्थ सो[स्]यरिएहिं जीवियाओ ववरोविए समाणे तत्थेव वाणारसीए नयरीए सेट्ठिकुलंसि पुत्तत्ताए पचायाहि, से णं तत्थ उम्मुक्काबालभावे एवं जहा पढमे जाव अंतं काहिइ ॥ निक्खेवो ॥ १९ ॥ तइयं अज्झयणं समत्तं ॥
जइ णं भंते!''''चउत्थस्स उक्खेवो, एवं खलु जंबू । तेणं कालेणं तेणं समएणं साहंजणी - नामं नयरी होत्या रिद्धत्थिमियसमिद्धा, तीसे णं साहंजणीए वाहिया उत्तरपुर- त्थिमे दिसीभाए देवरमणे नामं उज्जाणे होत्था, तत्थ णं साहंजणीए नयरीए महचंदे नामं राया होत्था महया०, तस्स णं महचंदस्स र-नो सुसेणे नामं अमच्चे होत्था सामभेयदंड० निग्गहकुसले, तत्थ णं साहंजणीए नयरीए सु (दं) दरिसणा- नामं गणिया होत्था वण्णओ, तत्थ णं साहंजणीए नयरीए सुभद्दे नामं सत्थवाहे (हो०) परिवसइ अड्डे, तस्स णं सुभद्दस्स सत्यवाहस्स भद्दा - नामं भारिया होत्था अहीण, तस्स णं सुभद्द ( स्स) सत्थवाहस्स पुत्ते भद्दाए भारियाए अत्तए सगडे नामं दार होत्या अहीण०, तेणं काळेणं तेणं समएणं समणे भगवं महावीरे..समोस - रणं परिसा राया य निग्गए धम्मो कहिओ परिसा ( रा ० ) पडिग (ओ) या, तेणं कालेणं तेणं समएणं समणस्स भगवओ महावीरस्स जेट्ठे अंतेवासी जाव रायमग्गमोगाढे तत्थ णं हत्थी आसे पुरिसे" "ते-सि च णं पुरिसाणं मज्झग [ ए ]यं पासइ एगं सइ - त्थीयं पुरिसं अव-ओड-यवंधणं उक्खित्त जाव घो ( सेण ) सिज्जमाणं चिंता तहेव जाव भगवं वागरेइ, एवं खलु गोयमा ! तेणं काळेणं तेणं समएणं इहेव जंबुद्दीवे दीवे भारहे वासे छगलपुरे नामं नयरे होत्था, तत्थ सी (सिं) हगि (रि) री नाम राया होत्था महया०, तत्थ णं छगलपुरे नयरे छ (णि) णिए नामं छागलि (छगली) ए परिवसइ अड्डे॰ अहम्मिए जाव दुप्पडियाणंदे, तस्स णं छ- णियस्स छा (छ) गलियस्स वहवे अ (जा) याण य ए (ला) लयाण य रोज्झाण य वसभाण य सस्याण य सूयराण य पसयाण य सिंघाण य हरिणाण य मयूराण य महिसाण य सयवद्धाण य सहस्सबवाण य जूहाणि वाडगंसि संनिरुद्धाई चिट्ठति, अ-न्ने य तत्थ वहवे पुरिसा दि-नभइभत्तवेयणा बहवे अए य जाव महिसे य सारक (ख) खेमाणा संगोवेमाणा चिद्वंति,
