________________
सुत्तागमे
[आयारे(२) गामाणुगामं दूइज्जमाणे अंतरा से गोणं वियालं पडिपहे पेहाए जाव चित्तचिलंडं वियालं पडिपहे पेहाए णो तेसि भीओ उम्मग्गेणं गच्छेज्जा, णो मग्गाओ उम्मग्गं संकमिज्जा, णो गहणं वा वणं वा दुग्गं वा अणुपविसेजा, णो रुक्खंसि दुरुहेज्जा, णो महइमहालयंसि उदयंसि कायं विउसेजा, णो वाडं वा सरणं वा सेणं वा सत्थं वा कंखेज्जा, अप्पुस्सुए जाव समाहीए तओ संजयामेव गामाणुगामं दूइज्जिज्जा ॥ ७६३ ॥ से भिक्खू वा (२) गामाणुगामं दूइज्जमाणे अंतरा से विहं सिया से जं पुण विहं जाणिज्जा, इमंसि खलु विहंसि वहवे आमोसगा उवगरणपडियाए संपिंडिया गच्छेजा, णो तेसिं भीओ उम्मग्गेण गच्छेज्जा, जाव समाहीए तओ संजयामेव गामाणुगामं दूइजिजा ॥ ७६४ ॥ से भिक्खु वा (२) गामाणुगामं दूइज्जमाणे अंतरा से आमोसगा संपिंडिया गच्छेजा ते णं आमोसगा एवं वदेजा, आउसंतो समणा, आहर एवं वत्थं वा पायं वा कंवलं वा पायपुंछणं वा देहि णिक्खिवाहि, तं णो देजा णिक्खिवेजा, णो वंदिय २ जाएज्जा, णो अंजलिं कह जाएजा, णो कलुणपडियाए जाएजा, धम्मियाए जाएजा, तुसिणीयभावेण वा उवेहिज्जा, ते णं आमोसगा 'सयं करणिज्ज' त्ति कट्ठ, अकोसंति वा जाव उवद्दवंति वा वत्थं वा पायं वा कंबलं वा पायपुंछणं अच्छिदेज वा, जाव परिठवेज वा, तं णं णो गामसंसारियं कुज्जा, णो रायसंसारियं कुज्जा, णो परं उवसंकमित्तु वूया, आउसंतो गाहावइ एए खलु मे आमोसगा उवगरणपडियाए सयं करणिजं त्ति कट्ठ अमोसंति वा जाव परिठवेंति वा, एयप्पगारं मगं वा वयगं वा णो पुरओ कट्ट विहरेजा, अप्पुस्सुए जाव समाहीए तओ संजयामेव गामाणुगामं दूइज्जेज्जा ॥ ७६५ ॥ एयं खलु तस्स भिक्खुस्स भिक्खुणीए वा सामग्गियं, जं सव्वछेहिं सहिए सया जएजासि त्ति बेमि ॥ ७६६ ॥ इरियाज्झयणस्ल तइओद्देसो समतो॥ तइयं इरियाज्झयणं समत्तं ॥
से भिक्खू वा (२) इमाई वयायाराइं सोचा 'णिसम्म इमाइं अणायाराई अगायरियपुव्वाइं जाणिज्जा,जे कोहा वा माणा वा मायाए वा लोहा वा वायं विउंजति, जागओ वा फल्सं वयंति, अजाणओ वा फरसं वयंति, सव्वमेयं सावजं वजेजा, विवेगमायाए ॥७६७॥ धुवं चेयं जाणिजा, अधुवं चेयं जाणिज्जा, असणं वा (४) लभिय णो लभिय, भुंजिय णो भुजिय, अदुवा आगए णो आगए, अदुवा एइ जो एइ, अदुवा एहिति णो एहिति, एत्थवि आगए णो आगए, एत्थवि एइ णो एइ, एत्यवि एहिति णो एहिति ॥ ७६८ ॥ अणुवीइ णिठ्ठाभासी, समियाए संजए भास भासेना, तंजहा-एगवयणं, दुवयणं, बहुवयणं, इत्थिवयणं, पुरिसवयणं, णपुंसगवयण,
