________________
[आयारे
सुत्तागमे जाएजा, तओ संजयामेव अवलंबिय २ उत्तरेजा, तओ गामाणुगामं दूइजेजा ॥ ७४७ ॥ से भिक्खू वा (२) गामाणुगामं दूइज्जमाणे अंतरा से जवसाणि वा, सगडाणि वा, रहाणि वा, सचक्काणि वा, परचक्काणि वा, से णं वा विरूवरूवं संणिरुद्ध पेहाए सइ परक्कमे संजयामेव णो उज्जुयं गच्छेजा ॥ ७४८ ॥ से णं परो सेणागओ वएजा, आउसंतो एसगं समणे सेणाए अभिनिवारियं करेइ, से णं वाहाए गहाय आगसह सेणं परो वाहाहि गहाय आगसेज्जा, तं गो सुसणे सिया जाव समाहीए तओ संजयामेव गामाणुगामं दूइज्जेज्जा ॥ ७४९ ॥ से भिक्खू वा (२) अंतरा से पाडिपहिया उवागच्छेजा तेणं पाडिपहिया एवं वदेजा आउसंतो समणा केवइए एस गामे वा रायहाणी वा केवइया एत्थ आसा हत्थी गामपिंडोलगा मणुस्सा परिवसति ? से वहुभत्ते बहुउदए बहुजणे वहुजवसे से अप्पुदए अप्पभत्ते अप्पजणे अप्पजवसे, एयप्पगाराणि पसिणाणि पुठ्ठो वा अपुट्ठो वा णो आइक्खेजा, एतप्पगाराणि पसिणाणि णो पुच्छेजा ॥ ७५० ॥ एयं खलु तस्स भिक्खुस्स भिक्खुगीए वा सामग्गियं ॥ ७५१ ॥ इरियाज्झयणे बीओद्देसो समत्तो॥
से भिक्खू वा (२) गामाणुगामं दूइजमाणे अंतरा से वप्पाणि वा, फलिहाणि वा, पागाराणि वा, जाव दरीओ वा, कूडागाराणि वा, पासादाणि वा, णूमगिहाणि चा, रुक्खगिहाणि वा, पव्वयगिहाणि वा, आएसणाणि वा, जाव भवणगिहाणि वा, णो वाहाओ पगिज्झिय २ अंगुलियाए उद्दिसिय २ ओ०२ उण्णमिय २ णिज्झाएजा, तओ संजयामेव गामाणुगाम दूइजेजा ॥ ७५२ ॥ से भिक्खू वा (२) गामाणुगाम दृइज्जमाणे अंतरा से कच्छाणि वा, दवियाणि वा, णूमाणि वा, वलयाणि वा, गहणाणि वा, गहणविदुग्गाणि वा, वणाणि वा, वणपव्वयाणि वा, पव्वतविदुग्गाणि वा, पव्वतगिहाणि वा, अगडाणि वा, तलागाणि वा, दहाणि वा, णदीओ वा, वावीआ वा, पुक्खरणीओ वा, दीहियाओ वा, गुंजालियाओ वा, सराणि वा, सरपंतियाणि वा, सरसरपंतियाणि वा, णो वाहाओ पगिज्झिय जाव णिज्झाएजा, केवली बूया 'आयाण-मेयं' जे तत्थ मिगा वा, पसू वा, पक्खी वा, सिरीसिवा वा, सीहा वा, जलचरा वा, थलचरा वा, खहचरा वा, सत्ता ते उत्तसेज वा, वित्तसेज वा, वाड वा सरगं वा कंखेजा, “चारित्ति मे अयं समणे" अह भिक्खूणं पुव्वोवदिठ्ठा एस पदण्णा जंणो वाहाओ पगिज्झिय २ जाव णिज्झाएजा, तओ संजयामेव आयरिय उज्याएहि सद्धिं गामाणुगामं दूइजेजा ॥ ७५३ ॥ से भिक्खू वा (२) आयरियउवज्ञाएहिं सद्धिं गामाणुगामं दूइजमाणे, णो आयरियउवज्झायस्स हत्थेण वा हत्ये जाव अणासायमाणे तओ संजयामेव आयरियउवज्झाएहिं सद्धि जाव दूर
manimaALALPURBELIERNA
