Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1029

सु० १ अ० २] सुत्तागमे
९७७ बहूई जोयणसयसहस्साई बहू(ई)इ जोयणकोडीओ वहूइ जोयणकोडाकोडीओ उर्दु दूरं उप्पइत्ता सोहम्मीसाणसणंकुमारमाहिंदवंभलंतगमहामुक्कसहस्साराणयपाणयारणच्चुए तिण्णि य अट्ठारसुत्तरे गेवेजविमा(ण)णावाससए वीइवइत्ता विजए महाविमाणे देवत्ताए उववन्ने । तत्थ णं अत्थेगइयाणं देवाणं ते(ब)त्तीसं सागरोवमाई ठिई पन्नत्ता । “तत्थ णं मेहस्सवि देवस्स तेत्तीसं सागरोवमाइं ठिई पनत्ता । एस गं भंते ! मेहे देवे ताओ देवलोयाओ आउक्खएणं ठिइक्खएणं भवक्खएणं अणंतरं चयं चइत्ता कहिं गच्छिहिइ कहिं उववजिहिइ ? गोयमा ! महाविदेहे वासे सिज्झिहिइ बुज्झिहिइ मुच्चिहिइ परिनिव्वाहिइ सव्वदुक्खाणमंतं काहिइ । एवं खलु जंवू ! समणेणं भगवया महावीरेणं आइगरेणं तित्थगरेणं जाव संपत्तेणं अप्पोपालंभनिमित्तं पढमस्स नायज्झयणस्स अयमढे पन्नत्ते त्तिबेमि ॥ ३७ ॥ गाहा-महुरेहि 'निउणेहिं वयणेहिं चोययंति आयरिया। सीसे कहिंचि खलिए जह मेहमुणिं महावीरो
॥१॥ पढमं अज्झयणं समत्तं ॥ ___ जइ णं भंते ! समणेगं भगवया महावीरेणं जाव संपत्तेणं पढमस्स नायज्झयणस्स अयमढे पन्नत्ते बिइयस्स णं भंते ! नायज्झयणस्स के अढे पन्नत्ते ? एवं खलु जंबू! तेणं कालेणं तेणं समएणं रायगिहे नामं नयरे होत्था वण्णओ। [तत्थ णं रायगिहे नयरे सेणिए नाम राया होत्था महया वण्णओ] त(त्थ)स्स णं रायगिहस्स नयरस्स बहिया उत्तरपुरच्छिमे दिसीभाए गुणसिलए नाम उजाणे होत्था वण्णओ। तस्स णं गुणसिलयस्स उजाणस्स अदूरसामंते एत्थ णं महं एगे (पडिय) जिण्णुज्जाणे यावि होत्था विणट्ठदेवउले परिसडियतोरणघरे नाणा विहगुच्छगुम्मलयावल्लिवच्छच्छाइए अणेगवालसयसंकणिजे यावि होत्था । तस्स णं जिण्णुजाणस्स बहुमज्झदेसभाए एत्थणं महं एगे भग्गकूवए यावि होत्या। तस्स णं भग्गकूवस्स अदूरसामंते एत्थ णं महं एगे मालुयाकच्छए यावि होत्था किण्हे किण्होभासे जाव रम्मे महामेहनिउरंवभूए बहूहिं रुक्खेहि य गुच्छेहि य गुम्मे हि य लयाहि य वल्लीहि य (तणेहि य) कुसेहि य खाणुएहि य संछन्ने पलिच्छन्ने अंतो झुसिरे वाहिं गंभीरे अणेगवालसयसंकणिज्जे यावि होत्था ॥ ३८ ॥ तत्थ ण रायगिहे नयरे ध(णे)ण्णे नामं सत्थवाहे अड्ढे दित्ते जाव विउलभत्तपाणे। तस्स णं धण्णस्म सत्थवाहस्स भद्दा नामं भारिया होत्था सुकुमालपाणिपाया अहीणपडिपुण्णपंचिंदियसरीरा लक्खणवंजणगुणोववेया माणुम्माणप्पमाणपडिपुण्णसुजायसव्वंगसुंदरंगी ससिसोमागारा कंता पियदसणा सुरुवा करयलपरिमियतिवलियमज्झा कुंडलुल्लिहियगंडलेहा कोमुइ(योरयणियरपडिपुण्णसोमवयणा सिगारागारचारुवेसा जाव पडिरूवा पंझा अवियाउरी जाणुकोप्परमाया
६२ सुत्ता०