Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1016

९६४
सुत्तागमे
[ णायाधम्मकहाभो
दरिसणे भविस्सइ-त्तिकट्ट उस्सीसामूले ठवेड। तए णं तस्स मेहस्स कुमारस्स अम्मापियरो उत्तरावक्कमणं सीहासणं रयावैति मेहं कुमारं दोचापि तचंपि सेग्रापीयएहिं कलसेहिं व्हावेंति २त्ता पम्हलसुकुमालाए गंधकासाइयाए गायाई व्हेति २ ता सरसेणं गोसीसचंदणेणं गायाई अणुलिंपति २ त्ता नासानीसासवायवोज्न जाव हंसलक्खणं पड (ग) साडगं नियंसेति २ ना हारं पिद्धेति २ त्ता अद्धहारं पिगद्धेति २त्ता (एव) गावलिं (२) मुत्तावलिं (२) कणगावलिं (२) रयणावलिं (२) पालव (२) पायपलंबं कडगाई (२) तुडिगाई (२) केऊराई (२) अंगयाई (२) दसमुद्दियार्णतयं कडिसुत्तयं (२) कुंडलाइ चूडामणि रयणुक्कडं मउडं पिणद्वैति २ त्ता दिव्वं सुमणदामं पिणद्धेति २ ता दद्दरमलयसुगंधिए गंधे पिणद्धेति । तए णं तं मेहं कुमारं गंठिमवेढिमपूरिमसंघाइमेण चउव्विहेणं महणं कप्परक्खगं पिव अलंकिय विभूतियं करेंति । तए णं से सेणिए राया कोडुंवियपुरिसे सद्दावेइ २ ता एवं वयासीखिप्पामेव भो देवाणुप्पिया । अणेगखंभसयसन्निविद्धं लीलट्ठियसालभंजियागं ईहामियउसभतुरयनरमगर विहगवालग किन्नररुरुसरभचमरकुंजरवणलयपउमलयभत्तिचित्तं घंटावलिमहुरमणहरसरं सुभकंतदरिसणिजं निउणो ( चि) वियमिसिमिर्सितमणिरयणघंटियाजालपरिक्खित्तं खं ( अ ) भुग्गयव इरवेश्यापरिगयाभिरामं विजाहर • जमलजंतजुत्तं पिव अच्चीसहस्स मालणीयं रूवगसहस्सकलियं भिमाणं भिब्भिसमाणं चक्खुलोयणलेस्सं सुहफासं सस्सिरीयरूवं सिग्धं तुरियं चवलं वेइयं पुरिससहस्सवाहि (णीयं णीं सीयं उवद्ववेह । तए णं ते कोडुंवियपुरिसा हट्टतुट्ट जाव उवठ्ठवेति । तए णं से मेहे कुमारे सीयं दुरूहइ २ त्ता सीहासणवरगए पुरत्याभिमुहे सन्निसण्णे । तए णं तस्स मेहस्स कुमारस्स माया व्हाया अप्पमहग्याभरणालंकियसरीरा सीयं दुरूहइ २ त्ता मेहस्स कुमारस्स दाहिणे पासे भद्दासणंसि निसीयइ । तए णं तस्स मेहस्स कुमारस्स अंवधाई रयहरणं च पडिग्गहगं च गहाय सीयं दु (रु) रूहइ २ त्ता मेहस्स कुमारस्स वामे पासे भद्दासणंसि निसीयइ । तए णं तस्स मेहस्स कुमारस्स पिट्ठओ एगा वरतरुणी सिंगारागारचारुवेसा संगयगयहसियभणियचेट्ठियविलाससंलावुल्लावनिउणजुत्तोव यारकुसला आमेलगजमलजुयलवट्टियअब्भुन्नय पीणरइयसंठियपओहरा हिमरययकुंदेंदुपगासं सकोरेंटमलदामधवलं आयवत्तं गहाय सलीलं ओहारेमाणी २ चिट्ठर । तए णं तस्स मेहस्स कुमारस्स दुवे वरतरुणीओ सिंगारागार चारुवेसाओ जाव कुसलाओ सीयं दुरुर्हति २ त्ता मेहस्स कुमारस्स उभओ पा (सिं) सं नानामणिकणगरयणमहरिहतवणिज उज्जल विचित्तदंडाओ चिल्हियाओ सुहुमवरदीहवालाओ संखकुंददगरयअमयमहिय फेणपुंजसन्निगासाओ
·