________________
श्री
समवायाङ्ग
संघयण संस्थान विचार।
चो) अंग
॥२८६॥
तेसिं असंघयणत्ताए परिणमंति । असुरकुमाराणं भंते ! किंसंघयणा पन्नत्ता ? गोयमा ! छण्हं संघयणाणं असंघयणी णेवट्ठी णेव छिरा णेव पहारू जे पोग्गला इट्टा कंता पिया मणुण्णा मणामा मणाभिरामा ते तेसिं असंघयणत्ताए परिणमंति, एवं जाव थणियकुमाराणं । पुढवी- काइया णं भंते ! किंसंघयणी पन्नत्ता ? गोयमा ! छेवट्ठसंघयणी पन्नत्ता, एवं जाव संमुच्छिमपचिंदियतिरिक्खजोणिय त्ति । गब्भवतिया छबिहसंघयणी, संमुच्छिममणुस्सा छेवट्ठसंघयणी, गब्भवतियमणुस्सा छविहे संघयणे पन्नत्ता । जहाअसुरकुमारा तहा वाणमंतरजोइसियवेमाणिया य॥ ... कइविहे णं भंते ! संठाणे पन्नत्ते ? गोयमा छविहे संठाणे पन्नत्ते, तं जहा-समचउरसे १ णिग्गोहपरिमंडले २ साइए ३ वामणे ४ खुजे ५ हूंडे ६ । णेरइया णं भंते ! किंसंठाणी पन्नत्ता? गोयमा ! हुंडसंठाणी पन्नत्ता । असुरकुमारा णं भंते ! किंसंठाणी पन्नत्ता ? गोयमा ! समचउरंससंठाणसंठिया पन्नत्ता, एवं जाव थणियकुमारा । पुढवी मसूरसंठाणा पन्नत्ता, आऊ थिबुयसंठाणा पन्नत्ता, तेऊ सूइकलावसंठाणा पन्नत्ता, वाऊ पडागासंठाणा पन्नत्ता, वणस्सई नाणासंठाणसं
॥२८६॥
