________________
क् ता भवइ आसायणा सेहस्स ३, सेहे राइणियस्स आसन्नं ठिच्चा भवइ आसायणा सेहस्स ४, जाव सेहे राइणियस्स आलवमाणस्स तत्थगए चेव पडिणित्ता भवइ आसायणा सेहस्स ३३ । १ । चमरस्त णं असुरिंदस्स असुररण्णो चमरचंचाए रायहाणीए एक्कमक्कबाराए तेत्तीसं तेत्तीस भोमा पन्नत्ता । २ । महाविदेहे णं वासे तेत्तीस जोयणसहस्साई साइरेगाई विक्खंभेणं पन्नत्ता । ३ । जया णं सूरिए बाहिराणंतरं तच्चं मंडलं उवसंकमित्ता णं चारं चरइ तथा णं इह गयस्स पुरिसस्स तेत्तीसाए जोयणसहस्सेहिं किंचिविसेसूणेहिं चक्खुप्फासं हवमागच्छइ ॥ ४ ॥
इमसे णं रयणप्पभाए पुढवीए अत्थेगइयाणं नेरइयाणं तेत्तीसं पलिओवमाई ठिई पन्नत्ता | १ | अहे सत्तमा पुढवीए कालमहाकालरोरूयमहारोरुपसु नेरइयाणं उक्कोसेणं तेत्तीसं सागरोवमाइं ठिई पन्नत्ता।२। अप्पइट्ठाणनरए नेरइयाणं अजहण्णमणुक्कोसेणं तेत्तीसं सागरोवमाई ठिई पन्नत्ता । ३ । असुरकुमाराणं अत्थेगइयाणं देवाणं तेत्तीसं पलिओ माई ठिई पन्नत्ता | ४ | सोहम्मीगाणं देवणं तेत्तीसं पलिओ माई ठिई पन्नत्ता । ५ । विजयवेजयंत जयंत अपराजि -
२१
