________________
पभू ण कुणई किच्छं, मज्झं पि से न कुव्वइ ॥ २८ ॥ सढे नियडीपण्णाणे, कलुसाउलचेयसे । अप्पणो य अबोहीय, महामोहं पकुव्व ॥ २९ - २५ ॥ जे कहा हिगरणाई, संपउंजे पुणो पुणो । सवतित्थाणं भेयाणं, महामोहं पकुवइ ॥ ३० - २६ ॥ जे अ आहम्मिए जोए, संपओजे पुणो पुणो । साहाहेउं सहीहेउं, महामोहं पकुवइ ॥ ३१-२७॥ जे अ माणुस्सए भोओ, अदुवा पारलोइए । तेऽतिपयंतो आसयइ, महामोहं पकुव्व ॥ ३२-२८ ॥ इड्डी जुई जसो वण्णो, देवाणं बलवीरियं । तेसिं अवण्णवं बाले, महामोहं पकुव्व ॥ ३३ - २९ ॥ अपस्समाणो पस्सामि, देवे जक्खे य गुज्झगे । अण्णाणी जिणपूयट्ठी, महामोहं पकुव्वइ ॥ ३४–३० ॥ १ ॥
थेरे णं मंडियपुत्ते तीसं वासाइं सामण्णपरियायं पाउणित्ता सिद्धे बुद्धे जाव सव्वदुक्खप्प हीणे । २ । एगमेगे णं अहोरते तीसमुहुत्ते मुहुत्तग्गेणं पन्नत्ते । एएसि णं तीसाए मुहुत्ताणं तीसं नामज्जा पन्नत्ता, तं जहा - रोद्दे १, सत्ते २ मित्ते ३, वाऊ ४, सुपीए ५, अभिचंदे ६, माहिंदे ७, पलंबे ८५ बंभे ९. सच्चे १०, आणंदे ११, विजए १२, विस्ससेणे १३, पायावच्चे १४, उसमे १५,
