________________
करणे इअ । समोसरणं सनिसिज्जा य, कहाए अ पबंधणे ॥२॥" २ । दुवालसावत्ते कितिकम्मे ! पन्नत्ते, तं जहा-“दुओणयं जहाजायं, कितिकम्मं बारसावयं । चउसिरं तिगुत्तं च, दुपवेसं एगनिक्खमणं ॥ १॥" ३ । विजया णं रायहाणी दुवालस जोयणसयसहस्साइं आयामविक्खंभेणं पण्णत्ता ४ । रामे णं बलदेवे दुवालस वाससयाइं सवाउयं पालित्ता देवत्तं गए ५। मंदरस्स णं पवयस्स चूलिआ मूले दुवालस जोयणाइं विक्खंभेणं पण्णत्ता ६ । जंबूदीवस्स णं दीवस्स वेइआ मूले दुवालस जोयणाई विक्खंभेणं पण्णत्ता ७ । सवजहणिया राई दुवालसमुहुत्तिआ पण्णत्ता ८। एवं दिवसोऽवि नायवो ९। सवट्ठसिद्धस्स णं महाविमाणस्स उवरिल्लाओथूभिअग्गाओ दुवालस जोयणाई उद्धं उप्पइआ ईसिपब्भारनामपुढवी पण्णत्ता १० । ईसिपब्भाराए णं पुढवीए दुवालस नामधेज्जा पण्णत्ता, तं जहा-ईसित्ति वा इसिपब्भाराति वा तणूइ वा तणूयतरि त्ति वा सिद्धित्ति वा सिद्धालए त्ति वा मुत्तीति वा मुत्तालए त्ति वा बंभे त्ति वा बंभवडिसए त्ति वा लोकपरिपूरणे त्ति वा लोगग्गचूलिआइ वा ११ ॥ .
