________________
पाहुड-दोहा ण वि तुहुं पंडिउ युक्खु ण वि ण वि ईसरु ण वि णी । ण त्रि गुरु कोइ वि सीसु ण वि सम्बई कम्मविसेमु ॥ २७ ॥ ण वि तुहुं कारणु कन्जु ण वि ण वि सामिउ ण वि मिच्चु । सूरर कायरु जीव ण त्रिण वि उत्तमु ण वि णिच्चु ।। २८॥ पुण्णु वि पाउ वि कालु गहुँ धम्मु अहम्मु ण काउ । एकु नि जीव ण होहि तुहुं मिल्लिवि चेयणभाउ ॥ २९ ॥ ण वि गोरड ण वि सामलेउ ण वि तुहुं एकु वि वण्णु । ण वि तणुअंगर शूलु ण वि एहउ जाणि सवण्णु ॥ ३० ॥ हर वरु बंभणु ण वि वइसु णउ खत्तिउ णं वि सेसु । पुरिसु णउंसर इत्थि ण वि एहउ जाणि विसेसु ॥ ३१ ॥ तरुणउ बृढउ बालु हरं सूरउ पंडिउ दिन्छु । खवणउ चंदउ सेवंडड एहउ चिंति म सव्वु । ३२ ।। देहहो पिक्खिवि जरमरणु मा भर जीव करेहि । जो अजरामरु भुं पर सो अप्पाण मुणेहि ॥ ३३ ॥
१. सब्बु इ. २ क, नहि. ३ क. मिल्लिभ. ४ क. सायलउ. ५ क. उ. ६ क, सेउडड. ७ ८. चंभपर. ८ क.अप्पणा.
