________________
-
HANKITEDIND
S
-
HARICHAIMEA
इय उत्तरोत्तरमहप्पवंधहेउप्पसाहणिजंमि । मोक्खसुहे धण्णाणं केसि पि मणो समुलसइ ॥ १२ ॥ अन्नेसि एवंविहसमग्गसामग्गिसंभवेऽवि मई । उप्पजइ संसारियसुहेसु विरसावसाणेसु ॥ १३ ॥
को वाऽविहु सलहेजा को बा नागपि तेर्सि गिण्हेजा। जे भोगामिसगिद्धा रमंति इह' सारमेयव ॥ १४ ॥ अविय-जोव्वणपडलच्छाइयविवेयनयणा मुणंति तरुणीण । केसेसुं कुडिलत्तं न उणो तासि चिय मणमि ॥ १५॥
वहारावुद्दामं उब्भडनासं सुदीहरच्छं च । पवियंभियसत्तिलयं नियंति वयणं न उण नरयं ॥ १६ ॥ परिणाहसालिवित्तं सि थि(थ)णेसुं न धम्मबुद्धिमु नियंति। पेहंति तणुयमुयरं साणंदा न उण नियमाउं ॥ १७॥ सुरमणुयगईपरिहंपि सुंदरं भुयजुयं पसंसति । जंघोरजुयं अइअसुइयंपि उवर्मिति रंभाए ॥ १८॥ इय भो देवाणुप्पिय! विप्पियहेपि जुवइजणदेहं । मणमोहणवम्महचुण्णपुण्णचित्ता अभिलसंति ॥ १९ ॥ तेचिय पमाणमवलंबिऊण भोगेसु को पयदे॒जा ? । कुपहपवण्णो कि होज कोइ कुसलाणुसरणिजो? ॥ २०॥ नवजोव्वणोऽवि निप्पडिसख्वकलिओऽवि लच्छिनिलओऽवि। पवरविलासीवि तुमं भद्द! धुवं धम्मजोग्गोऽसि२१ तेणेवंविहपवरोवएसरयणाई तुज्झ दिजंति । न कयावि पुण्णरहिया चिंतामणिलाभमरिहंति ॥ २२ ॥ इय भणियमि गुरूहि समहिगसंजायधम्मपरिणामो । भत्तिभरनिभरंगो कुमरो भणिउं समाढत्तो ॥ २३ ॥ भयवं! सव्वमसेसं कहियं तुम्हेहि सिवसुहकएणं । ता सम्मं पव्वजं निरवजं देहमह इहि ॥ २४ ॥
GUARDHAmsane
