________________
श्रीगुणचंद द्विपहारेण फलभरपणयसाहो पकिट्ठो कविठ्ठपायवो, तदभिधारण य कुलसेलताडियं व थरहरियं मेइणीवढं तु विवभूते महावीरच० निविडबंधणाई निवडियाई सयलफलाई देसियाणि य विसाहनंदिपुरिसाणं, सगर्व भणिया य-रे रे पुरिमाहगा! पराग्यम्,
जह एयाणि पाडियाणि तहा पाडेमि तुम्ह मुंडाणि, अवणेमि दुविणयसीलयं, विहाडेगि उजाणरमणकोऊहलं, केवलं लज्जेमि तायस्स वीहेमि नियकुलकलंकस्स विचिकिच्छेमि लोयाववायरसत्ति भणिऊण उपसंततिबकोहावेगो संवेगमग्गमुवगओ एवं चिंतिउमाढत्तो
विसयपरव्वसहियया हीलं किं किं जणा न पेच्छंति । कत्थ व न दुकरंमिवि ववसाए अपयति ? ॥१॥ को वा न आवयावत्तवटिया तिक्खदुक्खरिंछोली । दंभोलिनिधिसेसा अतकिया निवडइ सिरंमि ॥ २॥ तुच्छोवि विबुहजणनिंदिओऽवि को वा विमुकमजाओ। न करेजा दुविणयं विसयपसत्ताण सत्ताणं ॥३॥ विसयाणं पुण निधिग्घकारणं निच्छयं मयच्छीओ । विहिणा पावेण विणिम्मियाउ नणु केण कजेणं? ॥॥R नृणं न दुग्गदुग्गइपडणदुहाई कयावि सुमिणेऽवि । पेच्छेजा मणुयजणो जइ जुवइपरंमुहो होजा ॥५॥
पासव्व करिवराणं हरिणाण व बागुरा विसमबंधो । पंजरमिव विहगाणं पईवकलियब्व सलमाणं ॥ ६ ॥ ॥३६॥ ___ मीणाणं जालंपिव जणाण सेच्छापयारसुहियाणं । अहह विसमं महतं महिलाजंतं कयं विहिणा ॥ ७ ॥ अविय-नवमालइपरिमलमंसलोवि नवसुरहिकुसुमवरगंधो । किं कुणइ तेसि जेसिं मणमि नो वसइ हरिणच्छी ॥८॥
