________________
इय भणिए गाढोवरोहेण दिण्णो आएसो राइणा कुमारस्स, पणामपुव्वयं पडिच्छिऊण दवावियं तेण पयाणय, चलियं चाउरंग सेन्नं, कहं चिय?
गंडस्थलपगलंतुग्गदाणधारंधयारियदियंता । चलकन्नतालवाडियमयगंधायट्टियदुरेहा ॥ ४६॥ अइघोरघोसगलगजिविहियखीरोयमहणसंकासा । उजलताराभरणा गयणाभोगव भासंता ॥४७॥ कयलीवणकयसोहा गेरुयरसलित्तवियडकुंभयडा । जंगमया कुलसेलच पत्थिया हत्थिणो सिग्धं ॥ ४८ ॥ चलिया य पवणवेगा खरखुरसिहखणियखोणिणो तुरया। फेणुग्गिरणमिसेणं जसं व कुमरस्स वियरंता ॥४९॥KI करकलियकुंतकोदंडसेल्लभल्लयसुतिक्खकरवाला । सन्नद्धवद्धकवया पयंडभुयदंडवलकलिया ॥ ५० ॥ नियसोंडीरिमवसओ रिउसेन्नं जरतणं व विगणिता । सपहुप्पसायपरवसहियया जीएऽवि निरवेक्खा ॥५१॥ पइखणविमुक्कहकारपुकारुकरिसतुट्टसन्नाहा । गेहनियत्तियदइया चलिया दप्पुन्भडा सुहडा ॥५२॥ बहुविहपहरणभरिया रहनिवहा घणघणारवरउद्दा । सबपहेसु पयट्टा पवणुद्धयधयवडाडोवा ॥ ५३॥ इय चातुरंगसेन्नं नरवइवयणेण वढियाणंदं । मुणिदाणजायपुन्नं व कुमरपासं समलीणं ॥ ५४ ॥
तओ भंडतो गिरिसिहरावबद्धमहलभिलपल्लीओ निभच्छंतो जणवयविद्दवणबद्धलक्खं चरडपक्खं अवलोयंतो 15/नगनगरगामारामरमणीयं महीमंडलं पडिच्छंतो मग्गे सामंतसमप्पियं विविहालंकारकरितुरयपमुहं पाहुडं पत्तो
A
