________________
( ततीयपत्थावो)
तिइंडिभवसमेया भणिया वत्तवया य मिरिइस्स । एत्तो य जहावित्तं साहिज्जइ विस्समूहस्स ॥ १ ॥
ser जंबुद्दीवे दीवे भारहवास सिरसेहरो मे पइदिणभवंत विविहमहूसवे नीसेसनयरविक्खाए रायगिहे नयरे पढमो सोंडीरचक्कस्स वल्लहो गुणिवग्गस्स सम्मओ पयइलोयस्स पाणप्पिओ पणइजणस्स भुयदंडलीलारोवियभूमिभारो विशुद्धबुद्धिपगरिसवीमंसियधम्मवियारो विस्सनंदी नाम नराहिवो, मयणलेहा नाम से भारिया, बिसाहनंदी कुमारो, तहा परूढगाढपेम्माणुबंधो सरीरमेत्तविभिष्णो विसाहभूती जुवराया, तस्स रुवाइगुणरयणरोहण घरिणी धारिणी नाम देवी । इओ य सो मिरिइजीवो बंगलोगाओ चुओ संतो चउग्गइयं संसारकंतारमणुपरियद्विऊण अणंतरभवजणियतहाविहकुसल कम्माणुभावेण समुप्पण्णो तीसे गर्भमि पुत्तत्तापत्ति, अण्णया पसूओ विसिडे वासरे, कथं विस्सभूइत्ति से नामं, कमेण परिचत्तवालभावो गाहिओ सो पिउणा कलाकलावकोसलं, तारुणमणुष्ण्णत्तो गरि णाविओ बत्तीसं सुररमणीविब्भमाओ पवररायकुलसमुब्भववालियाओ, ताहि य समं बहुप्पयारं कीóतो कार्य गमेइति । अण्णया य सयलतइलोयदरिसियवियारो तरुवराणंपि विहियलावण्णो मुणीर्णपि कयचित्तचमकारो स मागओ महुमासो, जत्थ य
पोढपुरंधिथोरथण मंडल पडिहयगमणवेगओ | पिययमविरहविदुरतरुणीवणदीहरसासतरलिओ ॥ २ ॥
द
