________________
SEOSES SUSLEG
एमाइविविहसंसयसंकियचित्तो खणं विगमिऊणं । सम्मं वियाणणट्ठा ओहिण्णाणं पउंजेइ ॥ १८६ ॥ पारिवजपवन्नं अह देह नियइ तं विगयजीयं । तेऽवि ससिस्से गंथस्थवाहिरे मुद्धबुद्धीए ॥ १८७ ॥ ताहे नियदंसणपक्खवायओ चत्तदेवकायव्यो । ओयरिओ आयासे सिस्साणं तत्थ(त)कहणट्ठा ॥ १८८ ॥ वरपंचवण्णमंडलमज्झगोऽदिस्समाणरूवो य । आसुरिपमुहे सिस्से भासइ संबोहिऊणेवं ॥ १८९ ॥ अवत्ताओ वत्तं पभवइ इचाइ तत्तसंदोहं । तो सद्वितंतगंथं तं सोचा आसुरी कुणइ ॥ १९ ॥ अव्वोच्छित्ती य तो जाया सीसप्पसीसवग्गस्स । एवं सति वित्थरियं सवत्थ तिदंडिपासंडं ॥ १९१ ॥ कविलोऽवि हरिसियमणो ठाणाओं तओ गओ सुरावासं । तत्थ य अणण्णसरिसे पंचविहे भुंजए भोए॥१९२] अह सो मिरिई आउयखयंमि चइऊण बंभलोगाओ । दूरदिसागयनेगमपणियाउलविवणिमग्गमि ॥ १९३ ॥ परिसरदेसहियसाहुवग्गपारद्धधम्मकम्ममि । नीसेसगामतिलए कोल्लागे संनिवसंमि ॥ १९४ ॥ जुम्मं । छक्कम्मनिरयचित्तो वेयत्थवियारकुसलबुद्धी य। जाओ जयपयडजसो नामेणं कोसिओ विप्पो ॥ १९५ ॥ सो विसयपसत्तमणो दविणजणकयविचित्तवावारो । पाणवहपमुहगुरुपावठाणनिरवेक्खचित्तो य ॥ १९६ ॥ मिच्छत्तनिहयबुद्धी तिदंडिदिखं निसेविउं अंते । असीई उ पुन्बलक्खे सव्वाउं पालिऊण मओ ॥ १९७ ।।
-
