________________
नवरं दस अहिंगे वा जइ नो बोहेमि अणुदिणं भवे । तो परिचएमि विसए विसंव इइ गिण्हइ पइन्नं ॥ ४ ॥ अह उज्झियमुणिवेसो चिंतितो देवयाए तं वयणं । जयगुरुणोऽवि निवसइ वेसाए गिहमि स महप्पा ॥ ४५ ॥ भुंजेइ विसयसोक्खं धम्मकहाए य बोहिउं भवे । पवजागहणत्थं पेसइ पासे जिणिंदस्स ॥ ४६ ॥ अह अन्नया कयाई खीणे भोगप्फलंमि कम्मम्मि । वेरग्गावडियमई चिंतेउमिमं समाढतो ॥ ४७ ॥ तुच्छं सोक्खं तडितरलमाउयं भंगुरं च तारुन्नं । रोगविहुरं सरीरं दुल्लंमा धम्मसामग्गी ॥४८॥ खंडियसीलाण निरंतरं च निवडंति दुस्सहदुहाई । एवं ठिए न जुजइ संपइ मह निवसिउं एत्थ ॥ ४९ ॥ तो गंतुं जयगुरुणो पुणो समीवम्मि लेइ पवजं । आलोइयदुचरिओ विहरइ य समं जिणिदेण ॥ ५० ॥
चिरपञ्चजापजायपालणं भावसारमह काउं । सो नंदिसेणसाहू मरिउं देवत्तणं पत्तो ॥५१॥ । इओ य सो सुदाढनागकुमारदेवो नावारूढस्स भगवओ पुवं उवसग्गं काऊण आउयखयचुओ समाणो सगु-ISI प्पन्नो एगंमि रोरकुले पुत्तत्तणेण, बुढि गओ य संतो करिसगवित्तीए जीवइ, तमि य पत्थावे सो जाव नियच्छेत्तं लंगलेण करिसिउमारद्धो ताव पत्तो तं गामं भुवणेकबंधवो जिणो, तो भगवया तस्स अणुकंपाए पडिबोहणत्यं |पेसिओ गोयमसामी, गओ य तदंतियं, भणिओ य गोयमेण एसो-भद्द! किमेयं कीरइ ?, करिसगेण भणिय-जं कारवेइ एस हयविही, को वा अन्नो अम्हारिसाण कलाकोसलवजियाण जीवणोवाओ?, गोयमसामिणा जंपियं
