________________
श्रीगुणचंद महावीरच०
८ प्रस्तावः
।। २७५ ।।
जं ओइन्नाई नहाओ नाह! मायंडससिविमाणाई | गुरुणा भणियं - गोयम ! दस अच्छरियाई एयाई ॥ २० ॥ उवसग्ग गन्भहरणं इत्थीतित्थं अभाविया परिसा । कण्हस्स अवरकंका ससिसूरविमाणओयरणं ॥ २१ ॥ हरिवंसकुलुप्पत्ती चमरुप्पाओ य अट्ठसय सिद्धा । अस्संजयाण पूया जायंति अनंतकालाओ ॥ २२ ॥ इय साहियमच्छरियं ससिसूरविमाणसंगयं एत्तो । गोसालययुत्तंतं साहिजंतं निसामेह ॥ २३ ॥ सो पुवभणिओ गोसालो तेउले सामाहप्पपडिहयपडिवक्खो अटुंगनिमित्त लवपरिन्नाणमुणियजणमणोगयसंकष्णो अजिणोऽवि जिणसद्दमत्तणो पगासेमाणो सवत्थ अणिवारियप्पसरं परिब्भमंतो सावत्थिं नयरिमागओ, ठिओ य बहुधणधन्न परिपुन्नाए हालाहलाभिहाणाए कुंभकारीए आवर्णमि, तस्स य लोगो अमुणियपरमत्थो मणोगयसंकष्पपरिन्नाणमेत्तसमुप्पन्नकोऊहलो जिणोत्ति पसिद्धिं निसामिऊण अणवरयं पज्जुवासणं कुणइ, भयवंपि महावीरो समसंघपरिवुडो जहन्त्रेणऽवि कोडिसखेहिं देवेहिं अणुगम्ममाणो भुवणच्छेरयभूयं विभूइसमुदयमुद्दहंतो दिसि चकवालपरिसरिएण पभामंडलेण समुग्गयाणेगमायंडपरंपरं व गयणमुवदंसयंतो पयपरिवाडिसुर विरइयकणयंबुरुहनिवहेण थलकमलसोहं व महियलस्स दाविंतो पर सन्निवेसमसन्भूयभावणं जणाणं पणासयंतो पयंडपासंडदप्पखंडणं कुणमाणो निघाणनगरमग्गं पञ्चत्तयंतो कोसंबीओ निक्खमित्ता तमेव सावत्थि नगरिं संपाविओ, नाणाविहविहगविरायंततरुणतरुरमणीयंमि य समोसढो कोट्ठगचेइयंमि, सुणियजिणागमा य समागया परिसा, पज्जुवासिऊण य गया जहांगयं, पत्ते य
युगावत्याः
केवलं
श्रावस्त्यां
गोशालकः
॥। २७५ ।
