________________
अन्नेऽविद्दु नरवइदंडनाह सामंत मंतिपमुहजणे । पडिवोहिऊण पुणरवि कोसंविं आगओ सामी ॥ ७ ॥ तहियं समोसदस्सा चरिमाए पोरिसीऍ जयगुरुणो । विम्हइयजीवलोयाई फालिआई विमाणाई ॥ ८ ॥ साहावियाई पच्चक्खदिस्समाणाणि आरुहेऊण । ओयरिया भत्तीऍ वंदणवडियाए ससिसूरा ॥ ९ ॥ सिं विमाणनिम्मलमऊहनिवहप्पयासिए गयणे । जायं निसिंपि लोगो अवियाणतो सुणइ धम्मं ॥ १० ॥ नवरं नाउं समयं चंदणवाला पवत्तिणी नमिउं । सामिं समणीहिं समं निययावासं गया सहसा ॥ ११ ॥ साण मिगाव जिणका वक्खित्तमाणसा धणियं । एगागिणी चिय ठिया दिणंति काऊण ओसरणे ॥ १२ ॥ वो खणमेसाई विमाणाई आरुहित्ताणं । ससिसूरेषु गएसु वियंभिए रयणितिमिरभरे ॥ १३ ॥ समणीओ समीवंमी अपेच्छमाणी य सा महासत्ता । पगया पडिस्सयंमी पवत्तिणीए य तो भणिया ॥ १४ ॥ तुम्हारिसीण सुकुलुग्गयाण जुज्जर किमेवमायरिउं ? । एगागिणीवि य तुमं जंसि ठिया एत्तियं रयणिं ॥ १५ ॥ पडिवज्जिय तत्रयणं भुजो भुजो सदुच्चरीयाई । निंदंतीए तीए उत्पन्नं केवलं नाणं ॥ १६ ॥ अह - पयलायंतीए पवत्तिणीऍ सप्पं पलोइयं इतं । संथारगंमि हत्थो ठविओ तीए घराहिंतो ॥ १७ ॥ निदावगमे पुच्छा अहिकहणं नाणबुज्झणऽणुतावो । निहयघणघाइकम्मा पवत्तिणी केवलं पत्ता ॥ १८ ॥ इओ य - उप्पन्नसंसओ पढमगणहरो पणमिउं जिणं भणइ । किमवद्वियावि भावा विवरीयतं पवज्र्ज्जति १ ॥ १९ ॥
