________________
EL
तण्हाछुहाकिलामियकवोलमह पाणिपल्लवे ठविउं । वयणं खणंतरं रोविऊण दीहं च नीससिउं ॥ ५॥ ते सुप्पकोणनिसिए कुम्मासे मुणिमणं व निन्नेहे । गिण्हइ भोयणहेउं किमभक्खं छुहकिलंताणं? ॥ ६॥
अह चिंतियमेयाए जइ एज इमंमि कोइ पत्थावे । अतिही ता से दाउं जुजइ मह भोयणं काउं॥७॥ । इति परिभाविऊण पलोइयं दुवाराभिमुहं, एत्यंतरे चुन्नियचामीयररेणुसुंदरेण कायकतिपडलेण पूरयंतोष गाणी यलंगणं उपसंतकंतदिटिप्पहापीऊसवरिसेण निववंतोब दुहसंतत्तपाणिगणं नगनगरसिरिवच्छमच्छसोवत्थियलंलिए चलणजुयलेण विचित्तचित्तंकियं व कुणमाणो महीयलं सुहकम्मनिचओब पचक्खो अहाणुपुबीए विहरमाणो । समागओ तं पएसं भयवं महावीरजिणवरो, तयणंतरं अप्पडिमरूवं भयवंतं दटूण अचंतमसारं कुम्मासमोयण च निरिक्खिऊण दूरमजुत्तमेयं इमस्स महामुणिसत्ति विभावमाणीए सोगभरगग्गरगिराए गलतबाहप्पवाहाललो यणाए भणियमणाए-भयवं! जइवि अणुचियमेयं तहावि मम अधन्नाए अणुग्गहटुं गिण्हह कुम्मासगोषणति, भयवयावि धीरहियएण निरूविऊण समग्गाभिग्गहविसुद्धिं पसारियं पाणिपतं, तीएवि निविडनिगडजडियं का कहवि दुवारस्स बाहिरुदेसंमि काऊण चलणमेक्कमवरं च भवणभंतरंमि सुप्पेण पणामिया कुम्मासा, अह जयगुरुगरुयाभिग्गहपूरणपरितुट्टा गयणयलमवयरिया चउबिहा देवनिवहा पहया दुंदुही पडिया य पारियायमंजरीसमाहा भणिरभमरोलिसंवलिया कुसुमबुट्ठी वरिसियं गंधोदयं निवडिया अद्धत्तेरसकोडिमेत्ता सुवण्णरासी मंदंदोलिगनिलया।
