________________
एवं सबुद्धिपरिकप्पिएण जइविसरिसेण वेसेणं । मुणिधम्ममग्गचत्तो पारिवजं पवत्तेइ ॥ ८४ ॥ गामागरनगराइसु सिरिरिसहजिणेण सह परिभमइ । सुस्सवणपखवायं निचं हियएण वहमाणो ॥ ८५ ॥ अह तं करयलगहियच्छत्तयं दीहलंबिरसिहंडं । पासविमुक्कतिदंडं पवित्तमाईहिं परियरियं ॥ ८६ ॥ गेरुयरसरत्तंसुयविराइयं संझसूरविवं व । चंदणचचियदेहं उवाहणारोवियकमं च ॥ ८७ ॥ असरिसरूवं नीसेससमणसंघस्स मज्झयारंमि । दई कोऊहलिओ बहुजणो पुच्छए धम्मं ॥ ८८ ॥ मिरिईवि सम्ममहिगयसुत्तत्थो तत्तदेसणसमत्थो । साहेइ वित्थरेणं मुणिधम्मविहिं जणस्स पुणो ॥ ८९ ॥ जह एत्थं आजम्मं वायरसुहमेसु सचजीवेसु । संघट्टणविद्दवणाइ बजणिजं पयत्तेणं ॥ ९० ॥ कोहेण व लोभेण व हासेण भएण वावि माऽ(ना)सचं । जीवोवघायजणगं भासेयचं विणासेऽवि ॥ ९१ ॥ गामे वा नयरे वा थोवं वा भूरि वा न घेत्तत्वं । सचित्तमचित्तं वा सबमदत्तंपि तिविहेण ॥ ९२ ॥ देवनरतिरियरमणीसु पवरलायण्णसुंदरंगीसु । पचक्खभुयंगीसु व खणंपि नो अभिरमेयचं ॥ ९३ ॥ धम्मोवयारि मोत्तुं वत्थपडिग्गहपमोक्खमुवगरणं । सेसमहिगरणरूवं परिहरियवं पयत्तेण ॥ ९४ ॥ संथारगमेकं वजिऊण नेवोवहाणतूलीओ। फासस्साणुगुणाओ कइयावि य पत्थणिजाओ ॥ ९५ ॥ अरसविरसन्नपाणेहिं पीडिएणावि महुरदित्तरसे । नो भोयणमि चित्तं निवेसियवं मणागपि ॥ ९६ ॥
39-4
