________________
तक्खणकयवेयालियपवरज्झयणेण बोहिऊणेवं । ते जिणवरेण सम्मं मुणिदिक्खं गाहिया सब्वे ॥ ७० ॥ तो सुचरियसामन्ना विणिहयनीसेसघाइकम्मंसा । भुवणजणपणयचरणा जाया सव्वेऽवि केवलिणो ॥ १॥ विहरंति जिणेण समं गामागरनगरमंडियं वसुहं । अह दूयं भरहबई पुण पेसइ बाहुबलिणोऽवि ॥ ७२ ॥ तेणवि दूयं निभच्छिऊण भरहेण सह समारद्वो । दिट्ठीवायाइओ संगामो जाव पवइओ ॥ ७३ ॥ तत्थेवुस्सग्गठिओ कह लहुभाईण वंदणं काहं ? । बंभीसुंदरिपेसण ओयरणं कुणसु हत्थीओ ॥ ७४ ॥ वुत्ते चिंतानाणं जिणस्स पासंमि गमणमह तस्स । भरहोऽवि हयविपक्खं मुंजइ रजं सनगरीए ॥ ७५ ॥
इओ य-तस्स मिरियस्स दसविहचकवालसामायारीनिरयस्स सिद्धन्तपसिद्धसंजमकरणपरायणस्स संसारा-16 सारयं परिभावितस्स अट्ठारसविहं बंभचेरमणुपालेतस्स वोलीणाई बहूई वरिसाई, एगया य गिम्हमासे विष्फुरं
तेसु जलणजालाकरालेसु रविकरेसु धम्ममाणलोहागरनिजा(ज्झा)मयसरिसेसु वायंतेसु खरसमीरणेसु विरहिणीजणहियनायव्व तत्तंमि महियलंमि अण्हाणवसविसप्पमाणबहलमलाविलसरीरत्तणेण पवहतसेयसलिलुप्पिलाउलतणेण य
वाढं किलंतस्स दढचारित्तावरणीयकम्मदोसेण मइलहिययस्स परिचत्तकुमित्तस्सवि गुरुकुलवासे ठियस्सावि छठट्टमाइनिहरतवकिसियसरीरगस्सवि सयावि सुत्तत्त्थे विपरिभाविरस्स एक्कारसंगाई तण्हाभिहयस्स पयंडगिंगसंगत-स सव्वगत्तस्स पल्हत्थं संजमओ झडत्ति चित्तं मिरियस्स ।
