________________
विउधिया घणावली, जायं सलिलवरिसं, समासासिओ तिलयंवओ, तेण पएसेण वेगेण आगच्छमाणीए गावीए खुरेण | चंपिय मूलविभागो पविट्ठो जलसेयसुकुमारे धरणिवढे, जाओ दढपइट्ठाणो, कमेण परूढाई मूलाई, उम्मीलियाई
दलाई, पयट्टो फुल्लिति । भयवं पुण कुम्मारगामनगरं संपत्तो, तस्स बाहिं सूरमंडलस्सुवरि निहियदिट्ठी उद्धीकयभुयपरिहो दीहरजडाकडप्पो पयइविणीओ पयइपसमपरो पयइदयादक्खिण्णाणुगओ समारद्वसद्धम्मज्झाणकि । हाणो वेसियायणो नाम लोइयतवस्सी ममंदिणसमयंसि आयावेइ । तस्स य उप्पत्ती भन्नइ| मगहाविसए धणधन्नसमिद्धलोयकलिए गोबरगामे आभीरलोयाणं अहिवई गोसंखीनाम कुडंविओ, बंधुभई ।। नाम से भज्जा, सा य अवियाउरी, ताणि य परोप्परं दढसिणेहाणुरायाणि विसयसुहमणुहवंताणि कालं बोलेंति, इओ य तस्स गामस्स अरे खेडयं नाम संनिवेसो, तत्थ य अविगप्पिया सन्नद्धबद्धकवया पउरपहरणसणाहा मिलेन्छ धाडी पडिया, तीए य सो गामो निवाडियारक्खिगजणो लुटियधणधन्नकंसदूसो विणिहयपहरणहत्यसुहडसत्यो कओ, तओ बंदिग्गहेण लोगं गहिऊण पट्टिया सट्ठाणं, एगा य गामइत्थिया तवेलं पसूया पइंमि मारिए करकलियवालया सुरूवत्तिकाऊण चालिया चोरोहिं, सा य चेडवावडकरत्तणेण न पारेइ सिग्धगईए समागंतुं, तो रोहि सरोसं भणिया-भहे ! परिचयसु सुयं जइ चिरजीवियत्थिणी, इमं च सुणिऊण अइगरुययाए मरणभयस्स परितो तीए सुओ तरुच्छागाए, गया य चोरोहिं समं, सो य गोसंखिओ गोरूवाइं घेत्तूण पहायसमए समागओ तं पएसं.
