________________
प्रस्ताव
श्रीगुणचंद गोसालोऽवि जीयरखं व जिणनाहमाहष्णमुबहतो चिरकालं संलीणयापीडिओ अविगणियपडिभगो दूरपरिचत्तल-15/ गोशालकमहावीरच जावलोवो भंडोब महुमहपडिमामुहे अहिट्ठाणं दाऊण ठिओ । एत्यंतरे पुष्फपडलगहत्यो धूवकडुच्छुयसमेओ चेष्टा,
18 समागो देवचगो, दूराउ चिय तहट्ठियं दद्रूण गोसालयं सविम्हयं चिंतियमणेण॥ २१३॥ बोलिणो बहुकालो देवमिमं मज्झ पूयमाणस । न य दिठ्ठो कोइ मए कुणमाणो एरिसं भत्तिं ॥१॥
ता किं होज पिसाओ कोऽवि इमो अहव गहपरिगहिओ। धाउविवजासवसेण किं नु एवं ठिओ कोऽवि? ॥२॥ इय भावेतो जाहे भवणभंतरमुवेइ ताहे सो । समणोत्ति नग्गभावेण लक्खिओ तेण छेएण ॥ ३॥ परिचिंतियं चऽणेणं जइ दंडमहं इमस्स काहामि । तो जाणिस्सइ लोगो जह दुट्ठो धम्मिओ एस ॥ ४ ॥ तम्हा गामस्स परिकहेमि सोऽविय सपि ददृण । एयस्सुचियं काही किं मम इमिणा अणत्थेण? ॥ ५॥ इय चिंतिऊण सिढे जणस्स तेणावि तत्थ गंतूण । तह चेव ठिओ दिट्ठो गोसालो वासुदेवपुरो ॥६॥ कुविएण जटिमुट्ठीहिं कुट्टिो गहिलओत्ति काऊण । मुक्को चिरेण कहवि हु जणेण सो जजरसरीरो ॥७॥ मुक्कंमि तंमि सामी महणनामंमि सन्निवेसंमि । गंतुं बलदेवगिहे फासुयदेसे ठिो पडिमं ॥ ८ ॥ दुस्सिक्खियत्तणेणं गोसालो पुण मुगुंदपडिमाए । लिंग दाऊण मुहे अपमत्तो अच्छइ मुणिच ॥९॥ तत्यवि पुष्वपवाहेण गामलोगेण जायकोवेणं । सुचिरं निस्सलु ताडिऊण तो तंमि परिचत्ते ॥ १० ॥
२१३॥
