________________
गच्छरियाई, अणुगिण्हह नियदंसणदाणेण मम कुटुंबयंति, अचंतकोकहलावलोयणसयण्हेण पडिवन्नं च कुमारेण । तयणंतरं सो कुमारं घेत्तृण उप्पइओ तिमिरुप्पी सामलं गयणवलं, निमेसमेत्तेण पत्तो वेयहगिरिं पविडो सभवणं, कया कुमारस्स महई भोगणाइपडिवत्ती ॥ सो य पुलिंदगो तत्थ जाममेतं पडिवालिऊण जाव कुमारो नागओ ताव वणनिगुंजेसु सुचिरं पलोइऊण दुहत्तो सगुहाए गओ ॥ कुमारोऽवि कणगचूडेण समेओ वेयगिरिपरिसरेषु सुरहि पारियायत रुमंजरीगंधुडुरेसु विसमगिरितडनिवडंतनिज्झर झंकारमणहरेसु सविलास किन्नरमिहुणसंगीय सहसुंदरेसु निकुंजदेसोव सोहिएसु विहरिउमारद्धो, अह परिब्भमंतण कोऊहलवियसियच्छिणा कुमारेण दिट्ठो एमत्थ सिलायले एक्कचलणावटुंभनियमियसयलंगभारो उहसमुक्खित्तोभयभुयाजुयलो झाणवसनिसियनिचलपयंडमायंडगं - डलुम्मुहलोयणप्पसरो निप्पकंपत्तणतुलियकुलाचलो पडिमा ठिजो एगो चारणसमणो, तं च दट्ठण अंतो विधियउद्दामहरिसवसपयहृतपुलय पडलेण कुमारेण भणियो कणगचूडो - भद्द ! एहि एयस्स महामुणिस्स वंदणेण पक्खलियकलिमलं अत्ताणं करेमोत्ति, विज्जाहरेण संलत्तं एवं होउ, तओ गया सुणिसमीवे, पणमिओ सविणयं, सुणिणाचि जोग्गयं नाऊण पारियं काउस्सग्गं, उवविट्ठो समुचियट्ठाणे, अजवि मूलगुणद्वाणवत्तिणो एए इति परिभाविऊण भणिया साहुणा - भो महाणुभावा ! एयस्स निस्सारसंसारस्स सारमेत्तियं जं वीयरागेहिं करुणापरियरियंत करणेहिं देसिओ सवजत्तेण कीरइ धम्मो तस्स पुण मूलं अहिंसा, साय मज्जमंसनिसिभत्तपरिहारेण जहुत्ता संभवह, तत्थ
