________________
नियबुद्धिविणयविविहोवयारओ जेण सथलंगामजणो । विहिओ पहिट्ठहियओ एवं लच्छिं विमोचूणं ॥ १ ॥ अहवा न सो कोऽवि गुणो जो तस्स न विजए दियवरस्स । तं नत्थि किंतु जं भुंजिएहिं दिवसं स वोलेइ ॥२॥ एवं च धणविरहेवि सो अविचलचित्सतणेण मणागंपि दीणत्तमदर्शितो नियनिवपरिग्गहसणेण चैव संतोसमुहहंतो चिंतेड़ अहो महाणुभावा! इसे धणिणो जे इमीए सिरीए परिगहिया पीडिजंति दाइएहिं विलुप्पिनंति | नराहिवेहिं अभिभविजति तकरनियरेहिं मग्गिजंति मग्गणगणेहिं अणुहवंति विविहावयाओ, पयमेत्तंपि न परिभमंति सच्छंदयाए, तुच्छऽपत्थभोइणोवि अभिलसिजंति वाहीए, अहं पुण एतो एगस्सवि अणत्थस्स न गोयरसुवगओत्ति, एवं तस्स परिभाविंतस्स वञ्चेति वासरा । अन्नया य सो सिवमहाभिहाणाए निययपणइणीए भणिओ, जहा - अजउत्त ! आवन्नसत्ता वहामि अहमियाणिं, पसवसमए विसेसेण मह ओसहाइणा कजं भविस्सर, तो कीस तुमं न किंपि पुरिसयारमवलंवेसि ? न वा दवोवजणोवायं विगप्पेसि ?, न हि अणागयत्यचिंतापरंमुहा सलहिजंति पुरिसत्ति, सो एषमायन्निकण तक्खणविसुमरियपुत्रविबेओ जलहिष मेहोदएणं कुवियप्पफडोलमालाउलो परिभाविउमारद्धो- किं एत्तो ववसायं करेमि ? कं वा जणं अणुसरामि ? को वा इमस्स कजस्स होज साहेज्जदायगो ? कत्थ व गयस्स एवं सिज्झेज ? को इमस्स हेउत्ति, इय किंकायचयवाउलत्तजलहिंमि सो बुडो, ताहे सिवमद्दाए भणिओ सो - कीस वाउलो होसि ?, केत्तियमेत्तं एवं तुह विमलकलाकलावस्स ?, जइ कमविद्दु धणवंतं गंतुं मग्गेसि
