________________
सिहिणो सिहं व सारं फणिवइफणरयणचक्कवालंव । एक अपत्तपुवं गिण्हसु जिणदेसियं धम्म॥८१॥ युग्मम् ।। इय भणिए सो चिंतेउमारद्वो तिबजायसंवेगो । कह नियकज्जपसाहणपरम्मुहाणं गुणनिहीणं ॥ ८२॥ | केवलकरुणारससायराण समगणियरायरोराणं । जाओ मइ पडिबंधो गुरूण खणदसणे वावि ? ॥८३॥ युग्मम् , निप्पुण्णेसु जणेसुं चखंपि खिवंति नेरिसा समणा । ता सव्वहेसि वयणं जुत्तं मह संपयं काउं ॥ ८४ ॥ विस्संभरतलविलुलंतमउलिमह पणमिऊण गुरुचलणे । आणंदसंदिरंसूनयणो सो भणिउमाढत्तो ॥ ८५ ॥ निक्कारणेक्कवच्छल ! भयवं नीसेससत्तताणपरा । आरोहेसु ममिल्हि सम्मत्तं भवविरत्तस्स ॥ ८६ ॥ ताहे गुरुणा जिणभणियनीईओ नायजोग्गयगुणेण । चित्तुच्छाहप्पमुहपहाणसउणोवलंभंमि ॥ ८७ ॥ अरिहं देवो गुरुणो य साहुणो जिणमयं मयं तुज्झ । इय एवं आरोवियमाजम्मं तस्स सम्मत्तं ॥ ८८ ॥ भणिओ य वच्छ ! निव्वाणलच्छिवीयं मए इमं दिण्णं । संकाइदोसविरहेण सव्वहा ता जएज इहं ॥ ८९॥ धन्नोऽसि तुमं भय ! दुहसयरुईमि भवसमुदंमि । जेण तए जिणधम्मो तरणतरंडोवमो पत्तो ॥९॥ एयस्स पभावेणं पालिजंतस्स सव्वकालंपि । जीवेहि अणंतेहिं दुक्खाण जलंजली दिगणो ॥९१॥ । पयईऍ खणविणस्सरसंसारुभवसुहस्स कजेणं । एयंमि मा पमायं काहिसि तं भद्द ! कइयावि ॥ ९२ ॥ अह सो नमिउं चरणे गुरुण भवभीयपाणिगणसरणे । हरिसभरवंधुरगिरं उदाहरित्या वयणमेयं ॥ ९३ ॥
ANDED
