________________
श्रीगुणचंद, महावीरच ४ प्रस्तावः
विशातस्थानकाराधनं.
करुणोयहिणो गुरुणो पंचविहायारधरणधीरस्स । अणुवकयजणाणुग्गहभावं सम्मं पसंसंतो ॥ ४ ॥ सद्धम्मसिढिलचित्ते सत्ते धम्मे थिरीकरेमाणे । परियायपमुहथेरे उवव्हतो य भयवंते ॥५॥ ससमयपरसमयपरूढगाढसंसयसहस्सनिम्महणे । सुस्सूसंतो नियं बहुस्सुए साहुणो परे ॥ ६ ॥ मासदुमासतिमासाइविविहतवकम्मकरणपडिबद्धे । विस्सामणाइणा तह तवस्सियो पडिचरेमाणो ॥ ७ ॥ अंगाणंगसरूवे सुर्यमि सव्वनुनिच्छियत्थंमि । अणवरयं गयचित्तो तयस्थपरिभावणुजुत्तो ॥ ८॥ तत्तत्थसदहाणप्पहाणसम्मत्तपवरवत्थुमि । संकाइदोसजालं परिहरमाणो पयत्तेण ॥९॥ नाणाइणं उवयारपमुहविणयमि बहुविगप्पमि । अइयारपरंपरयं वजंतो निउणबुद्धीए ॥१०॥ पडिलेहणापमजणपमुहावस्सयविहीसु विविहासु । सद्धम्मबद्धलक्खो खलियं निषि रक्खंतो ॥ ११ ॥ सीले पिंडुग्गमपभिइदोसविरहा वएसु पंचसुवि । पाणवहाईएसु य विसोहयतो य मालिनं ॥ १२ ॥ पइसमयं संवेगाइभावणाजालभावणुजुत्तो । ससरीरेऽविहु निचं ममत्तबुद्धिं अकुणमाणो ॥ १३ ॥ बज्जन्भंतररूवं बारसभेयंपि घोरतवकम्मं । अनिगृहियनियसत्ती आयरमाणो य पइदिवसं ॥ १४ ॥ धम्मोवगारिसाहूण वत्थकंवलपमोक्खमुवगरणं । देतो कोहाईणं निचं चायं कुणंतो य ॥ १५ ॥ आयरिओज्झायतवस्सिथेरसाहम्मियाण सेहाणं । कुलगणगिलाणसंधे वेयावचंमि वāतो ॥ १६ ॥
क
A॥११०।
