________________
हत्थं मोहमहावत्तदुत्तरिलं निरंतरम्भवंतजम्मणमरणकडोलमालाउलं कसायकलुसपंकसंकुलं वियरंतविविद्यायंकनकचकाउलं बियारगो अरुचिण्णऽण्णाणतिमिरभरगुविलं पयइदुग्गेज्झमज्झं पयहभीसणं पयरविवागदारुणं पयनिग्गुणं पयइकिलेसायासाइदुक्ख संखोहकारणं रणं व कायराणं सव्वहा चिंतिजमाणमवि परमरोमुद्धोसजणगं भवसमुदं निरवज्जपव्वज्जाजाणवत्त्रेण सुवद्वेण नाणदंसणविहिसंछाइ छिड्डेणं संवरवज्जलेवेणं संगमाविद्धेण तवपत्रणजवेणं अणुलग्गेणं वेरग्गमग्गमि अक्खोभेण वित्तियावीईहिं पडिपुण्णेण अणेगसी लंगरयणसहस्सेहिं तुम्हेहिं कन्नधारेहिं झत्ति समुत्तरिउं समीहामित्ति, सूरिणा भणियं - महाराय ! मा पडिबंधं करेहि, तओ नंदणनरिंदो पुत्रारो| वियरज्जभारो वाहिं व मोत्तूण रायलच्छिं विहगोन्त्र पंजराओ घरवासाओ निक्खतो, जाओ य तिगुत्तिगुतो पंचसमिइजुत्तो जियपरीसहो निहयपंचिंदियपसरो समणो समयपावोत्ति । तओ कमेण अहिगयएक्कारसंगो कडाणं कम्याणं | पुत्रि दुप्पडिकंताणं खवणत्थं मासंमासेण अणिक्खित्तेणं कायरदुरणुचरेण घोरेणं तवोकम्मेणं अप्पाणं सोर्सितो अप्पडिबद्धविहारेणं विहरइ । तित्थयरत्तलाभवीयभूयाई वीसह ठाणाई सम्मं फासेइ य, कहं ? -
सव्वजगजीवबंधुरबंधयभूए जिणे जियकसाए । सिवपंथसत्थवाहे तत्थाहिं गिराहिं थुणमाणो ॥ १ ॥ ववगयजरमरणभए सिवमय लमणंतमक्खयं पत्ते । परमेसरे य सिद्धे समिद्धसोक्खे नमसंतो ॥ २ ॥ सन्नाणचरणदंसणमहाभरुद्धरणपञ्चलसहावं । चाउछन्नं संघ एवं सरणंति मन्नन्तो ॥ ३ ॥
