________________
जह वा महल्लकोऊहलेण एत्थागया तहा सर्व । अक्खाणयमप्पणगं उवइलु लहुगभाउस्स ॥ ५ ॥
एयं च कहिजमाणमामूलाओ निसुणियं समग्गमवि समीवदेससंठियाए सीलमईए, तओ अपुर्व अणाइक्खणिज केवलमणुभवगम्मं नियसुयसाहियवइयरपरिन्नायसमुत्थहरिसपगरिसमुबहती समुचरोमंचुचाइयकंचुया सुपसिणेहवसपगलंतथणमुहसुद्धदुद्धधारा एह चिरकालपत्तगा पुत्तगा! नियजणणिं गाढमालिंगहत्ति भणंती गया तेसिं पचासन्नं, निवेइओ पुबवित्तंतो, विन्नाया जेट्टपुत्तेण, तओ गाढं कंठमवलंबिय चिरविरहदुहावेगसूयगविसंतुलवयणगा । निन्भरं सपुत्तावि रोविउं पवत्ता, विन्नायपरमत्थेण मुहुत्तमेत्तं विलंबिय समासासिया कुमारपरियणेण, अह' उग्ग-18 यंमि दिणयरे परियणमझाओ एगेण पुरिसेण तुरियं गंतूण भणिओ नरविक्कमो-देव! तुम्ह दइया कुमारेहिं एयस्स चेव नावावाणियस्स जाणवत्ते पत्तत्ति, तओ हरिसभरनिन्भरहियएण सविम्हयं पुच्छिओ राइणा एसो-भद! को एस वुत्तत्तोत्ति ?, तेणवि संजायभएण भणियं-देव! वियरसु मे अभयदाणेणप्पसायं जेण जहा वित्तं निवेएमि, पडिवनं
नरिंदेण, तओ पढमाणुरागाओ आरम्भ जाणवत्तारोवणकंदणोवलोभणदेवयाभेसणप्पमुहो साहिओ नीसेसो ४ बुत्तंतो, एयमायन्निऊण य नरवइणा समग्गधणजाणवत्तसहिओ निविसओ आणत्तो सो वाणियगो, सीलमईवि देवी ।
करेणुगाखंधगया धरियसियछत्ता चामरेहिं वीइजमाणी पए पए पडिच्छंती नयरजणकयं पूयासकारं ठाणे ठाणे वियर|माणा दीणाणाहाण कणगदाणं पवेसिया परमविभूईए निययमंदिरं, काराविओ पुरे अढदिवसिओ महसवो, अह
