________________
श्रीगुणचंद
।
महावीरच० ४ प्रस्ताव
REORDERSS
॥८॥
सुरसिद्धजक्यरक्खसकिंनरकिंपुरिसमिहुणरमणिजो । सुरहिवरकुसुमतरुसंडमंडिउद्दामदिसिनिवहो ॥२॥ विजाहररमणीजणरमणीयं विजियसवपुरसोहं । तत्थऽस्थि गयणवलभनयरं नामेण सुपसिद्धं ॥३॥ तत्थ य राया निवसइ समग्गविजासहस्सबलकलिओ। पणमंतखयरमणिमउडकिरीडटिविडिक्कियग्गकमो ॥४॥ नियवलतुलियाखंडलपरक्कमो गुरुपयावहयसत्तू । तिहुयणविक्खायजसो नामेणं विजयराओत्ति ॥ ५॥ रूवाइगुणसमिद्धाए तस्स भजाए हिययदइयाएँ । कंतिमईए पुत्तत्तणेण जाओ अहं एको ॥६॥ पको पुरे पमोओ मह जम्मे तत्थ खयरराएणं । करिणो मोत्तूण परे विमोइया बंधणेहिंतो ॥७॥ अह सुपसत्यंमि दिणे सम्माणिय पणइसयणगुरुवग्गं । जयसेहरोत्ति नामं ठवियं मम गुरुजणेणंति ॥८॥ गयणगणपरिसक्कणपमोक्खविजाओ गाहिओ अहयं । अह तरुणभावपत्तो गुरुहिं परिणाविओ भजं ॥९॥ पउमावइत्ति नामेण पवरविजाहरिदकुलजायं । रुवाइगुणगेणंण विजयपडायव कामस्स ॥ १० ॥ जुम्म । एस पुण वइरिखयरो रहनेउरचक्कवालपुरगहुणो । सिरिसमरसिंहनामस्स अत्तो अमरतेओत्ति ॥ ११ ॥ बालवयस्सो मम गाढरूढपेमाणुबंधसव्यस्सो । विस्सासपयं सवेसु पुच्छणिजो य कजेसु ॥ १२ ॥ सहसयणपाणभोयणचंकमणट्ठाणकरणनिरयाणं । अहं दोण्हवि कालो वोलइ दढमेक्कचित्ताणं ॥ १३ ॥ अह परियणेण मझं निवेइयं एगया रहट्ठाणे । जह एस तुज्झ मित्तो विरुवचारी कलत्तंमि ॥ १४ ॥
