________________
श्रीगुणचंद महावीरच ०
३ प्रस्तावः
॥ ४५ ॥
सुत्तव चित्तलिहियव लेवघडियव रज्जुनद्धव्व । मइरामयनिष्कंदियव्व विमुकाऽन्नवावारा ॥ ५ ॥ अणमिसनयणनिवेसा जण परिसा तक्खणेण सा जाया । अइड तिविहुकुमार रायलोएण सह झत्ति ॥ ६ ॥ एत्यंतरे खीरोयनिम्महणजंतुट्ठियविसुग्गारोव कंपियविवहसत्थो कयंतोष अणिवारियागगणो पविट्ठो सो चंडवेगाहिहाणो दूओ, तं च दहूण ससंभममुट्ठिया, सामिदूओति कलिऊण कया महती पडिवत्ती, पुट्ठो य आसग्गीवनरिंदरस सरीरारोग्गवत्तं, सिरसा पडिच्छियं सासणं, संवरियपेच्छणगवावारो नियनियगेहेसु गओ जणो, रंगभंगकरणेण य वाढं अमरिसिओ तिविद्रुकुमारो, पुच्छिओ अणेण एगो पुरिसो- अरे ! को एस? किं वा एयागमणेण अच्भुडिओ ताओ ? कहं वा पविसमाणो दुवारेचिय न रुद्धो पडिहारेण?, तेण भणिय - कुमार ! एसो खु रायाहिरायस्स पहादूओ, अओ सामिव दट्ठवोत्ति राहणा अन्मुट्ठिओ, अओचिय पडिहारेणवि न खलिओ, एयाणुवित्तीए चैव सुहेणेत्थ निवसिअर, पभुचित्ताणुवत्तित्तणं हि सेवगधम्मो, कुमारेण भणियं - जाणियां कोऽवि कस्सवि पभू सेवगो वा, होउ ताव किं एएण?, अनिवडियपुरिसायाराणं विफलो अनुकरिसो निरत्वभो तुंडमंडवो अणुचिओ भुयबलावलेवो अजुत्तो नेवत्थफडाडोवो, ता एयं एत्थ पत्तकालं अरे ! साहेजसु तुमं मम जया एसो सनयराभिमुहं वचेज, जेण करेमि एयस्स पाहून्नयं, जं कुमारो आणावेइत्तिभणिऊण अन्भुवगयं पुरिसेण, सो य दूओ गुणदोसे राइणा समं भासिऊण साहियनरिंदपओयणो परिगहियविविहपाहुडो कयसकारसम्माणो चलिओ सनयराभिमुहं, अंतरा य गच्छंतो
दूतागमः नृत्यभंगथ,
॥ ४५ ॥
