________________
उत्तर ज्झ यणं
पढमं अज्झयणं विषयसुयं
संजोगा विप्पमुक्कस्स अणगारस्स भिक्खुणो। विणयं पाउकरिस्सामि आणुपुद्वि सुणेह मे ।। १ ॥ आणानिसकरे गुरूणमूववायकारए । इंगियागारसंपन्ने से विणीए त्ति वुच्चई ॥ २॥ .. आणाऽनिद्देसकरे गुरूणमणुववायकारए। पडिणीए असंवुद्धे अविणीए त्ति वुच्चई ॥ ३ ॥ जहा सुणी पूइकण्णी निक्कसिज्जइ सव्वसो। .. एवं दुस्सीलपडिणीए मुहरी निक्कसिज्जई ॥ ४ ॥ कणकुण्डगं चइत्ताणं विट्ठे भुजइ सूयरे। . एवं सीलं चइत्ताणं दुस्सीले रमई मिए ॥ ५ ॥ सुणियाऽभावं साणस्स सूयरस्स नरस्स य । विणए ठवेज्ज अप्पाणं इच्छन्तो हियमप्पणो ।। ६ ।। तम्हा विणयमेसेज्जा सीलं पडिलभे जओ। वुद्धपुत्त नियागट्ठो न निक्कसिज्जइ कण्हुई ।। ७ ।। निसन्ते सियाऽमुहरी वृद्धाणं अन्तिए सया। . अट्ठजुत्ताणि सिक्खेज्जा निरट्ठाणि उ वज्जए ।। ८ ।। अणुसासिओ न कुप्पेज्जा खंति सेविज्ज पण्डिए। खुड्डहिं सह संसग्गि हासं कीडं च वज्जए ।। ६ ।।
