________________
दसवेआलियं
जो पावगं जलियमवक्कमेज्जा
आसीविसं वा वि हु कोवएज्जा। जो वा विसं खायइ जोवियट्टी
एसोवमासायणया गुरूण ॥ ६ ॥ .... सिया हु से पावय नो डहेज्जा
आसीविसो वा कुविओ न भवखे । सिया विसं हालहलं न मारे
न यावि मोक्खो गुरुहीलणाए । ७ ।। ... जो पव्वयं सिरसा भेत्तुमिच्छे
सुत्तं व सीहं पडिवोहएज्जा । जो वा दए सत्तिअग्गे पहार
एसोवमासायणया गुरूणं ।। ८ ।। . सिया हु सीसेण गिरि पि भिदे
सिया ह सीहो कुविओ न भवखे । सिया न भिदेज्ज व सत्तिअग्गं
न यावि मोवखो गुरुहीलणाए ।॥६॥ आयरियपाया पुण अप्पसन्ना
__ अवोहिआसायण नत्थि मोक्खो। तम्हा अणावाह सुहाभिकंखी
गुरुप्पसायाभिमुहो रमेज्जा ॥ १० ॥ जहाहियग्गी जलणं नमसे
नाणाहुईमंतपयाभिसित्तं । एवायरियं उचिट्ठएज्जा
अणंतनाणोवगओ वि संतो ॥ ११ ॥
