________________
४२
पयत्तलट्ठ त्ति व कम्महेउयं,
दसवेआलियं.
पहारगाढ त्ति व गांढमालवे ।। ४२ ।।
सव्वुक्कसं परग्धं वा अउलं नत्थि एरिसं । अवक्कियमवत्तव्वं अवियत्तं चेव नो वए ॥ ४३ ॥
सव्वमेयं वइस्सामि सव्वमेयं त्ति नो वए । अणुवीइ सव्वं सव्वत्थ एवं भासेज्ज पन्नवं ॥ ४४ ॥ सुक्कीयं वा सुविक्कोयं अकेज्जं केज्जमेव वा । इमं गेह इमं मुच पणियं नो वियागरे ।। ४५ ।। अप्पग्घे वा महग्घे वा कए वा विक्कए वि वा । पणियट्ठे समुपन्ने अणवज्जं वियागरे ।। ४६ ।। तहेवासंजयं धोरो आस एहि करेहि वा ! सयं चिट्ठ वयाहि त्ति नेवं भासेज्ज पन्नवं ॥ ४७ ॥
बहवे इमे असाहू लोए वुच्चंति साहुणो । नलवे असाहु साहुत्ति साहु साहु त्ति आलवे ।। ४८ ।। नाणदंसण संपन्नं संजमे य तवे रयं । गुणसमाउत्तं संजयं
साहुमालवे ।। ४६ ।
एवं
देवाणं मणयाणं च तिरियाणं च वुग्गहे । अमुयाणं जओ होउ मा वा होउ त्ति नो वए ॥ ५० ॥
वाओ वुट्ठं व सीउण्हं खेमं धायं सिवं ति वा । कया णु होज्ज एयाणि मा वा होउ त्ति नो वए ।। ५१ ।।
तहेव मेहं व नहं व माणव
न देव देव त्ति गिरं वएज्जा ।
