________________
३२
दसवेआलियं.
जावंति लोए पाणा तसा अदुव थावरा । ते जाणमजाणं वा न हणे णोवि घायए ॥ १०॥ सव्वे जीवा वि इच्छन्ति जीविख्न मरिज्जि। तम्हा पाणवहं घोरं निग्गंथा वज्जयंति णं ।।११।। अप्पणट्ठा परट्ठा वा कोहा वा जइ वा भया। हिंसगं न मुसं वूया नो वि अन्नं क्यावए ।। १२ ।। मुसावाओ य लोगम्मि सब्बसाहूहि गरहिओ। अविस्सासो य भूयाणं तम्हा मोसं विवज्जए ।॥ १३ ॥ चित्तमंतमचित्तं वा अप्पं वा जइ वा वहुं। दंतसोहणमेत्तं पि ओग्गहंसि अजाइया ।। १४ ॥ तं अप्पणा न गेण्हंति नो वि गेण्हावए परं। ... अन्नं वा गेण्हमाणं पि नाणुजाण ति संजया ॥ १५ ॥ अबंभचरियं घोरं पमायं दुरहिट्ठियं । नायरंति मुणी लोए भेयाययणवज्जिणो ॥ १६ ॥ मूलमेयमहम्मस्स महादोससमुस्सयं । तम्हा मेहुणसंसरिंग निग्गंथा वज्जयंति. णं ।। १७ ॥ विडमुठभेइमं लोणं तेल्लं सप्पि च फाणियं । । न ते सन्निहिमिच्छन्ति नायपुत्तवओरया ।। १८ ॥ लोभस्सेसो अण फासो मन्ने अन्नयरामवि । जे सिया सन्निहीकामे गिही पव्वइए न से ।। १६ ।।
जं पि वत्थं व पायं वा कंवलं पायपुच्छणं । .. तं पि संजमलज्जा धारंति परिहरंति य ।। २० ।।
