________________
पंचमं अज्झयणं (बीओ उद्देसो) .
.. २७ समणं माहणं वा वि किविणं वा वणीमगं । उवसंकमंतं भत्तट्ठा पाणट्ठाए व संजए ॥ १० ॥ तं अइक्कमित्तु न पविसे न चिट्ठ चक्खु-गोयरे । एगंतमवक्कमित्ता तत्थ चिट्ठज्ज संजए ।। ११ ॥
वणीमगरस वा तस्स दायगस्सुभयस्स वा । अप्पत्तियं सिया होज्जा लहुत्तं पवयणस्स वा ।। १२ ।। पडिसेहिए व दिन्ने वा तओ तम्मि नियत्तिए । उवसंकमेज्ज भत्तट्ठा पाणट्ठाए व संजए॥ १३ ॥
उप्पलं पउमं वा वि कुमुयं वा मगदंतियं । - अन्नं वा पुप्फ सच्चित्तं तं च संलु चिया दए ।। १४ ॥
तं भवे भत्तपाणं तु संजयाण अंकप्पियं । देंतियं. पडियाइक्खे न मे कप्पइ तारिसं ।। १५ ।।
- उप्पलं पउमं वा वि कुमुयं वा मगदंतियं । ... अन्नं वा पुप्फ सच्चित्तं तं च सम्मद्दिया दए ।। १६ ॥
.. तं भवे भत्तपाणं तु संजयाण अकप्पियं । ...... देतियं पडियाइक्खे न मे कप्पइ तारिसं ॥ १७ ॥
सालुयं वा विरालियं कुमुदुप्पलनालियं । . मुणालियं सासवनालियं उच्छुखंडं अनिव्वुडं ॥ १८ ॥ तरुणगं वा पवालं रुक्खस्स तणगस्स वा। अन्नस्स वा वि हरियस्स आमगं परिवज्जए ।। १६॥ तरुणियं व छिवाडि आमियं भज्जियं सइं। देंतियं.. “पडियाइक्खे न मे कप्पइ तारिसं ॥२०॥
