________________
३५०
दसासुयक्खंधल्स चित्तत्तमाहि णाम पंचम दसा सव्व-काम-विरत्तस्स, खमओ भय-भेरवं । तओ से ओही भवइ, संजयस्स तवस्सिणो ।।५।। तवसा अवहट्ट लेस्सस्स, दंसणं परिसुज्झइ । उड्ढं अहे तिरियं च, सव्वमणुपस्सति ।। ६ ।। सुसमाहियलेस्सस्स, अवितक्कस्स भिक्खुणो । सव्वओ विप्पमुक्कस्स, आया जाणइ पज्जवे ।। ७ ।। जया से नाणावरणं, सव्वं होइ खयं गयं । तओ लोगमलोगं च, जिणो जाणति केवली ।। ८ ॥ जया से दरिसणावरणं, सव्वं होइ खयं गयं । तओ लोगमलोगं च, जिणो पासति केवलो ।।६।। पडिमाए विसुद्धाए, मोहणिज्ज खयं गयं । असेसं लोगमलोगं च पासेति सुसमाहिए ।।१०।। जहा मत्थए सूइए, हंताए हम्मइ तले । एवं कम्माणि हम्मंति, मोहणिज्जे खयं गए ।।११।। सेणावइम्मि निहते, जहा सेणा पणस्सइ। एवं कम्माणि णस्संति, मोहणिज्जे खयं गए ॥१२॥ धूम-हीणो जहा अगी, खीयति से निरिधणे । एवं कम्माणि खोयंति, मोहणिज्जे खयं गए ।।१३।। सुक्क-मूले जहा रुक्खे, सिंचमाणे ण रोहति । एवं कम्मा ण रोहंति, मोहणिज्जे खयं गए ॥१४॥ जहा दड्ढाणं वीयाणं, न जायंति पुण अंकुरा । कम्म-वीएसु दड्ढेसु न जायंति भवंकुरा ॥१५।। चिच्चा ओरालियं वोदि, नाम गोयं च केवली। आउयं वेयणिज्जं च, छित्ता भवति णीरए ॥१६॥ एवं अभिसमागम्म, चित्तमादाय आउसो।। सेणिसुद्धिमुवागम्म . आयसुद्धिमुवागए॥१७॥ त्ति वेमि
