________________
३४२
सुहविवाग सुत्तं से गं तत्तो देवलोगाओ आउक्खएणं भवक्खएणं ठिइक्खएणं अणंत्तरं चयं चइत्ता माणुस्सं विग्गहं लमिहिइ २ त्ता केवलं वोहि वुज्झिहिइ २ त्ता तहारूवाणं थेराणं अंतिए मुंडे जाव पव्वइस्सइ । से णं तत्थ वहूई वासाई सामण्णपरियागं पाउणिहिई २ त्ता आलोइय- . पडिक्कते समाहिपत्ते कालमासे कालं किच्चा सणंकुमारे कप्पे देवत्ताए उववज्जिहिइ । ताओ माणुस्सं, पव्वज्जा, वंभलोए, माणुस्सं, महासुक्के, माणुस्सं, आणए, माणुस्सं, आरणे, माणुस्सं, सव्वट्ठसिद्धे। .
से णं तओ अणंतरं उव्वद्वित्ता महाविदेहे जाव जाई अठाई जहा दढपइन्ने सिज्झिहिति वुज्झिहिति मुच्चिहिति परिनिव्वाहिति सव्वदुक्खाणमंतं करेहिति । तं एवं खलु जंवू ! समणेणं भगवया महावीरेणं जाव संपत्तेणं सुहविवागाणं पढमस्स अज्झयणस्स अयम? पण्णत्तें । त्ति वेमि ।।
इइ सुहविवागस्स पढमं अज्झयणं सम्मत्तं ।।१।।
(२) वितियस्स उक्खेवओ। एवं खलु जंवू ! तेणं कालेणं तेणं समएणं उसभपुरे णयरे । थूमकरंडगं उज्ज्जाणं । धण्णो जक्खो। धणावहो राया । सरस्सई देवी । सुमिणदसणं, कहणं जम्म, वालत्तणं, कलाओ य, जोव्वणं, पाणिग्गहणं, दाओ पासाय भोगा य जहा .. सुबाहुस्स णवरं भद्दनंदी कुमारे । सिरीदेवी पामोक्खाणं पंचसयाणं कन्नाणं पाणिगणं । सामिस्स समोसरणं । सावगधम्म पुव्वभवंपुच्छा । महाविदेहे वासे, पुंडरीगिणि नगरी विजए कुमारे । जुगवाहू तित्थयरे पडिलाभिए मणुस्साउए निवद्धे । इहं उप्पण्णे । सेसं जहा सुवाहुस्स जाव महाविदेहे सिज्झिहिति वुज्झिहिति मुच्चिहिति परि- . निव्वाहिति सव्वदुवखाणमंतं करेहिति । एवं खलु जंबू ! समणेणं भगवया महावीरेणं जाव संपत्तेणं सुहविवागाणं वितियस्स अज्झयणस्स अयम? पण्णत्ते । त्ति वेमि ।
इइ सुहविवागस्स वीइयं अज्झयणं सम्मत्तं ॥२॥
