________________
दसवेआलियं.
२४.
एगंतमवक्कमित्ता अचित्तं पडिले हिया । जयं परिढुवेज्जा परिठ्ठप्प पडिक्कमे ।। ८६ ।। सिया य भिक्खू इच्छेज्जा सेज्जमागम्म भोत्तुयं । सपिंडपायमागम्म उड्यं पडिलेहिया ।। ८७ ॥ विणएण पविसित्ता सगासे गुरुणो मुणी । इरियावहियमायाय आगओ य पडिक्कमे ।। ८८ ॥ आभोएत्ताण नीसेसं अइयारं जहक्कम । गमणागमणे चेव भत्तपाणे व संजए ॥८६॥ . उज्जुप्पन्नो अणुव्विग्गो अबक्खित्तेण चेयसा । आलोए गुरुसगासे जं जहा गहियं भवे ।।६० ॥ न सम्ममालोइयं होज्जा पुब्धि पच्छा व जं कडं। पुणो पडिक्कमे तस्स वोसट्ठो चितए इमं ।। ६१ ॥ अहो जिणेहिं असावज्जा वित्ती साहूण देसिया। मोक्खसाहणहेउस्स . साहुदेहस्स धारणा ।। ६२॥ नमोक्कारेण पारेत्ता करेत्ता जिणसंथवं । सज्झायं पट्टवेत्ताणं वीसमेज्ज खणं मुणी ॥ १३॥ वीसमंतो इमं चिते हियम लाभमट्टिओ। जइ मे अणुग्गहं कुज्जा साहू होज्जामि तारिओ ॥६४ ॥ साहवो तो चियत्तेणं निमंतेज्ज जहक्कम । जइ तत्थ केइ.इच्छेज्जा तेहिं सद्धि तु भुजए ॥ ६५॥ अह कोइ न इच्छेज्जा तओ भुजेज्ज एक्कओ। आलोए भायणे साहू जयं अपरिसाडयं ।। ६६ ।।
